Ini 14

Kola Kötrene Hnene La Itre Sinee i Akötresie La Ewekë Ka Ngazo

Satana a tupathe la itre atr matre tro angatre a kuca la itre ewekë ka ngazo. Nyipi ewekë tro la atr ka ajane troa nyi sinee i Akötresie, a methinëne la itre ewekë hnei Iehova hna methinën. (Salamo 97:10) Hanawange la itre xaa ewekë nyine troa thipetrije hnene la itre sinee i Akötresie:

Kuci Ngazo. “The tro kö eö a kuci ngazo.” (Esodo 20:14) Ketre ka ngazo mina fe e troa ce meköle trefën, nge thaa hna faipoipo petre kö.​—1 Korinito 6:18.

Iji Menu La Kahaitr. “Angete hmo hnei ka haitr . . . tha tro kö angate a hane sine la baselaia i Akötesie.”​—1 Korinito 6:10.

Ihumuth, Me Thi Upune. “The tro kö eö a ihumuth.”​—Esodo 20:13.

Ënö. “The tro kö eö a ënö.”​—Esodo 20:15.

Thoi. Iehova a methinëne la “sesepeneqë ate thoi.”​—Ite Edomë 6:17.

Iangazo Me Thatreine Xomihnine La Elëhni. “Kola sixelene la ate pi iangazo hnei [Iehova].” (Salamo 11:5) “Ite huliwa ne la ngönetei [kola qaja la] . . . iwesitë.”​—Galatia 5:19, 20.

Elo Mani. “Ate meciun . . . [“thaa tro kö a nyi sinee angeic,” MN].”​—1 Korinito 5:11.

Iwangatrehmekunyi Atr Me Xele Ma Wai Itre Atr, Ka Isa Qene Hlapa Kö. “Hnimeju la ite ithupëjia me nyipunie; nge thithi ju thatraqai angete qaqa me axösisi nyipunie.”​—Mataio 5:43, 44.

Nyine loi koi së la itre ewekë hna qaja koi së hnei Akötresie. Thaa ewekë ka hmaloi kö la troa nuetrije la itre ewekë ka ngazo. Jëne la ixatua i Iehova, memine la Itretre Anyipici Nyidrë, ijiji nyipunieti hi troa nuetrije la itre thiina ka ngazo hna thipetrije hnei Akötresie.​—Isaia 48:17; Filipi 4:13; Heberu 10:24, 25.