“Hnene Pë Hë La Itre Aposetolo Me Itre Qatre Thup Hna Ce Icasikeu”

Hna traqa la ketre jol ka troa thë la tingetinge me cas ne la itre ekalesia. Hnene la itre ekalesia hna thele ixatua thei drei matre nyinyine lai jol? Ame ngöne la götrane celë, tro sa wang la aqane organize la ekalesia ekö ngöne la hneijine ne la itre pane keresiano. Celë hi lai tulu kowe la nöje i Iehova enehila.