Drei Lae Iesu?

Hnei Iehova hna upi Iesu kowe la fen. 1 Ioane 4:9

Maine easa ajane troa amadrinë Iehova, loi e tro fe sa hane drenge la ketre atr ka tru. Qëmekene troa xupi Adamu, hnei Iehova hna xupe la ketre angela ka sisitria e koho hnengödrai.

Thupene la itre macatre ka nyimutre, hnei Iehova hna ami angeic e hnine la hni Maria, ketre nyipi jajiny, matre troa hnaho angeic e Betheleema. Hna hëne la medreng ka hape, Iesu.—Ioane 6:38.

Ame ngöne la nyidrëti a atr e celë fen, hnei Iesu hna melëne hnyawa la itre thiina ka lolo i Akötresie. Ka thiina ka menyike nyidrë me ihnim, nge ajane catre la itre atr troa easenyi nyidrë. Thaa hnei nyidrëti kö hna cipane troa inine me amamane kowe la itre xaa atr la nyipici göi Iehova.

Hnei Iesu hna kuca la loi, ngo hna methinë nyidrë. 1 Peteru 2:21-24

Hnene la itre hene ne hmi hna methinë Iesu, pine laka hnei nyidrëti hna qaja amamane la itre ini ka thoi memine la itre huliwa ka ngazo hnei angatre hna kuca.

Hnei Iesu mina fe hna aloine la meci ne la itre atr, me amelene hmaca la itre xan ka meci hë.

Hnene la itre hene ne hmi hna upe iele angetre Roma troa lepi Iesu me humuthi nyidrë.