Nemene la mekuna i epun göi Tusi Hmitrötr?
Ame koi epun, tre . . .
itusi qaathene la inamacane i atr?
itusi ne ifejicatre?
itusi qaathei Akötresie?
HANE HI LA HNA QAJA HNENE LA TUSI HMITRÖTR
“Qaathene la ua i Akötresie la nöjei hna cinyihan asë.”—2 Timoteo 3:16, Fene Ka Hnyipixe.
HANE HI LA ALIENE KOI SË
Kola sa la itre hnying ka tru ne la mel.—Ite Edomë 2:1-5.
Kola xatua së e nöjei drai.—Salamo 119:105.
Kola hamë mejiune së kowe la itre drai elany.—Roma 15:4.
TRO KÖ SA MEJIUNE KOWE LA HNA QAJA HNENE LA TUSI HMITRÖTR?
Eje hi, hane hi la köni kepin:
Ka ce tro la itre mekun. Hna cinyanyine la Tusi Hmitrötr hnene la ala 40 lao atr, ngöne la 1 600 lao macatre. Ame la itre xan, ke tha iatre fe kö angatr. Ngo, kola ce tro asë la itre mekun e hnine la Tusi Hmitrötr, matre casi hi la tan!
Ka qaja asë. Hna majemine hnene la itre ka kuci edromë, troa juetrën la itre ijin kola ngaan la nöje i angatr. Ngo, hnene la itre ka cinyanyine la Tusi Hmitrötr hna qaja hnyawan la itre tria i angatr, memine la itre tria ne la nöje i angatr.—2 Aqane Lapa ite Joxu 36:15, 16; Salamo 51:1-4.
Ka eatr la itre hna perofetan. Ase hë Tusi Hmitrötr qaja a 200 lao macatre qëmeken ka hape, troa lepe apatrene la nöje Babulona. (Isaia 13:17-22) Hnene ej hna qaja hnyawan la aqane troa thapa la traon, memine la ëje ne la atre thapa!—Isaia 45:1-3.
Nyimutre catre la itre xaa hna perofetane ka eatre hnyawa. Hapeu, tha kolo kö lai a amamane ka hape, Trengewekë i Akötresie la Tusi Hmitrötr?—2 Peteru 1:21.
NYINE LAPA MEKUN
Tune kaa la aqane tro la Tusi Hmitrötr a saze la mele i epun?
Kola sa hnei Tusi Hmitrötr ngöne ISAIA 48:17, 18 me 2 TIMOTEO 3:16, 17.