Casi Hi Elanyi La Baselaia

Atre hi hmunë ka hape, nemene Baselaia lai hna qaja?— Öö, Baselaia i Akötresie, nge tro lai Baselaia a kuca matre, paradraiso asë jë la ihnadro. Aja i hmunë kö tro nyiso a ce ithanatane la pengöne la Baselaia cili?—

Ame la nöjei baselaia asë, tre hna cilëne hnene la joxu. Nge ame lai joxu, ke nyidrëti a mus kowe la itre atr ne la nöje i nyidrë. Atre fe hi hmunë ka hape, drei la Joxu ne la Baselaia i Akötresie?— Iesu Keriso hi. Nge ka mele nyidrëti e hnengödrai. Easenyi hë la ijine tro nyidrëti a musi kowe la nöjei atr asë e celë fene hnengödrai! Ngo hapeu, tro jë kö a madrine la itre atr elany, la Iesu a troa musi kowe la fene hnengödrai asë?—

Tro asë hi së a madrin! Ame ngöne la Paradraiso, tha tro hmaca kö la itre atr a isi, me ihumuth. Tro pe angatr a ihnimikeu. Pë hmaca kö atr ka troa wezipo maine meci pena. Tro ha goe la itre ka timek, nge tro ha drenge la itre ka simi hnangenyë, nge tro ha nyenyape me sesë la itre ka thatreine tro. Meji ju kö la iatr hnene la xen. Tha tro hmaca kö la itre öni a heji së, maine heje pena la itre xa öni. Tro ha mele hmaca la itre atr ka mec. Ame lo itre atr hnei nyiso hna ce ithanatane hë ngöne la boroshüre celë, ka tui Rebeka, me Rahaba, me Davita, me Elia, tre tro hmaca angatr a mel! Pi tro fe kö hmunë a hane iöhnyi me angatr elany, la kola troa amele angatre hmaca?—

Hnimi hmunë catre hnei Iehova, nge aja i Nyidrë tro hmunë a mele madrin. Catre pi hmunë thele troa atre hnyawa la pengö i Iehova, me drenge thenge Nyidrë, matre tro fe hmunë a hane mele epine palua ngöne la paradraiso ka mingöming! Pi tro fe kö hmunë a hane mele ngöne la paradraiso?—