INI 14

Amamane Jë La Mekun Ka Tru

Heberu 8:1

MEKUN KA TRU: Troa thue aja kowe la itre atr troa drei epun. Amamane jë laka, ka ihmeku la itre mekun hna qaja memine la taane ka tru.

Thele jë troa eatrëne la mekuna i epun. Loi e troa pane atre ka hape, ketre cainöj ka hamë ithuemacany, ka anyipicine la ketre ewekë, maine ka ithuecatre pena. Tro hë epuni lai a atreine amamane la itre mekun ka tru.

Isa hnyinge jë, ka hape: ‘Nemene la hna troa hnyingëne hnene la itre atr göne la mekune celë? Nemene la hnying hna troa pane qaja?’ Thupene lai, eköthe jë la itre mekun, matre canga tro angatr a trotrohnine me kapa la itre ithuemacany.
Troa amamane la taane ne la cainöj. Troa amexeje la taane la cainöj hna jëne la itre hnaewekë ka tru ne la taan.
Troa lualai me hmaloi la itre mekun ka tru. Iëne jë la itre mekun ka tru ka ihmeku memine la taan, matre troa hamëne hnyawa la ini. Tro hi a tuluthe la etrune la itre mekun ka tru. Qëmekene troa qaja la ketre, pane mano ju, matre mama hnyawa itre ej kowe la itre atr.

Pane e wengëne jë la itre mekune ka tru, matre xatuane la itre atr troa atre la aqane eköthe trongëne la itre mekun. Amexeje jë itre ej ngöne la kola nyipun, matre hmaloi troa lapa xom hnene la itre atr.