MEKENE 59
Ijije Hi Tro Epuni a Xomihnine La Iaxösisi
Tro kö a traqa kowe la itre keresiano la icilekeu me iaxösisi. Hapeu, tro kö sa xou?
1. Pine nemene matre kola axösisi së?
Öni Tusi Hmitrötr: “Ame la itre ka ajane troa mele thenge la aja i Akötresie, me casi me Keriso Iesu, tro fe a hane axösisi angatr.” (2 Timoteo 3:12) Hna axösisi Iesu ke, tha ka sine kö nyidrë la fene i Satana. Ceitu hi lai me easë, tha ka sine kö së la fen. Celë hi kepin matre, tha tro kö sa sesëkötr la kola axösisi së hnene la itre mus, me itre organizasio ne la hmi ka thoi.—Ioane 15:18, 19.
2. Tune kaa la aqane tro sa hnëkë kowe la iaxösisi?
Loi e tro sa acatrene la mejiune së koi Iehova enehila. Loi e tro mina fe sa xomi ijine troa thith, me e la Tusi Hmitrötr e nöjei drai me sine lapane la itre icasikeu. Tro la itre hna majemine cili a xatua së troa cile catre ngöne la iaxösisi, ngacama traqa ju hë qaathene la fami së. Öni Paulo, ketre keresiano hna axösisin ka hape: “Iehova la ixatuang, tha tro kö ni a xou.”—Heberu 13:6.
Tro fe a hetre trengecatre së, e ka majemine së cainöj. Matre jëne la hne së hna cainöje lapa, tro hë sa mejiune catr koi Iehova, me atreine elë hune la xoue atr. (Ite Edomë 29:25) Nge, e traqa ju wathebon la itre huliwa së hnei mus, tha tro hë sa xou, ngo tro pe sa catre cainöj.—1 Thesalonika 2:2.
3. Nemene la itre eloine e tro sa xomihnine la iaxösisi?
Tha aja së kö troa axösisi së. Ame pe, e tro sa xomihnine la iaxösisi, tro hë lai a acatrene la lapaune së. Ketre, ame la easa öhne la Iehova a xatua së ngöne la easa kucakuca hnine la iaxösisi, kolo hi lai a easenyi së catre koi Nyidrë. (E jë la Iakobo 1:2-4.) Hace catre koi Iehova la easa akötr. Ame pe, Nyidrëti a madrine troa öhnyi së a xomihnine la iaxösisi. Öni Tusi Hmitrötr: “Maine nyipunie a xomi akötr pine kuca la loi, ewekë ka lolo lai koi Akötresie.” (1 Peteru 2:20) Tro kö Iehova a amanathithine la itre ka xomihnine la iaxösisi. Nge tro fe Nydrëti a hamë angatr la mele ka pë pun ngöne la fene laka, pëhë ka icilekeu memine la hmi ka wië.—Mataio 24:13.
TROA CE ITHANATAN
Tro sa ce wang la aqane tro sa mele nyipici hnine la iaxösisi, me aqane tro Iehova a amanathithi së.
4. Ijije hi tro epuni a xomihnine la kola icilekeu hnene la fami epun
Öni Iesu lo ka hape, maine tro sa iëne troa nyihlue i Iehova, tro ha icilekeu la itre atrene la fami së. E jë la Mataio 10:34-36, nge ce ithanatane jë cahu hnying:
E traqa ju iëne hnene la ketre atr troa nyihlue i Iehova, tune kaa jë la aqane troa ujë hnene la fami angeic?
Hane hi cahu ka traqa kowe la lue trefën. Goeëne jë la VIDEO, nge ce ithanatane jë cahu hnying:
Nemene la nyine tro epuni a kuca, e ajolë epuni ju troa nyihlue i Iehova hnene la fami me itre sinee i epun?
E jë la Salamo 27:10 me Mareko 10:29, 30. Nge thupene la hna e la ketre mekene tus, ce ithanatane jë cahu hnying:
Tune kaa la aqane troa xatua epun hnene la xötre celë, e traqa ju icilekeu hnene la itre atrene la fami, me itre sinee i epun?
5. Catre jë nyihlue i Iehova ngacama kola axösisi epun
Tha ka hmaloi kö troa nyihlue i Iehova nge hetre ka ajolë së. Goeëne jë la VIDEO, nge ce ithanatane jë cahu hnying:
Nemene la ka ithuecatre koi epun ngöne la video?
E jë la Itre Huliwa 5:27-29 me Heberu 10:24, 25. Nge thupene la hna e la ketre mekene tus, ce ithanatane jë cahu hnying:
Pine nemene matre tro palahi sa nyihlue i Iehova, ngacama wathebo së ju hë troa icasikeu me cainöj?
6. Tro kö Iehova a xatua epun troa xomihni
Hnene palahi la itre Temoë Iehova hna mele nyipici koi Iehova hnine la iaxösisi, ngacama isa macatre i angatr ju hë me nöj. Kola amamane ngöne la video la ka xatua angatr troa cile catr. Goeëne jë la VIDEO, nge ce ithanatane jë cahu hnying:
Nemene la ka xatuane la itre Temoë troa xomihni?
E jë la Roma 8:35, 37-39 me Filipi 4:13. Thupene la hna e la ketre mekene tus, ce ithanatane jë cahu hnying:
Jëne la mekene tusi celë, nemene la ka amamane ka hape, ijiji epuni hi troa xomihnine la nöjei pengöne itupath?
E jë la Mataio 5:10-12, nge ce ithanatane jë cahu hnying:
Pine nemene matre ijije hi tro sa madrine ngacama kola axösisi së?
Itre milio la itre Temoë Iehova ka mele nyipici koi Iehova. Ijiji epuni fe troa mele nyipici koi Nyidrë!
HNE SË HNA MAJEMINE DRENG: “Thatreine jë kö ni troa xomihnine la iaxösisi.”
Nemene la itre xötre ka troa xatua angeic?
HANE HI LA HNE SË HNA CE WANG
Iehova a wangatrune la aqane mele nyipici së koi Nyidrë. Jëne la ixatua i Nyidrë, ijije hi tro sa xomihnine la iaxösisi!
Nyine Amekunën
Hnauëne laka, tha tro kö la itre keresiano a sesëkötr e traqa ju axösisi angatr?
Nemene la aqane tro epuni a hnëkë göne la itre iaxösisi?
Pine nemene matre xecie hnyawa koi epun ka hape, tro epuni a mele nyipici koi Iehova ngöne la itre itupath?
ITRE XAA NYINE WANG
Kola qaja hnene la ketre nekötrahmany la aqane xatua angeic hnei Iehova lo kola akalabusi angeic.
Ixatua hna kapa hnene la lue trefën ngöne la itre macatre ne kola icilekeu me nyidro.
Kola Nyihlue i Iehova Ngacama Tru La Itre Ewekë Ka Saze (7:11)
Tro sa atreine cile catre tune kaa ngöne la iaxösisi?
“Loi e Troa Canga Hnëkë Kowe La Icilekeu” (Ita Ne Thup Julai 2019)
E traqa ju icilekeu me easë hnene la fami së, nemene la nyine tro sa kuca?
“Tha Nyipici Kö a Traqa Fë ‘La Tingeting, Ngo Taua Pe’” (Ita Ne Thup Okotropa 2017)