INI TUS
INI 10
Catre Pi Inine La Itre Atr
Trepene meköt: “Pine laka, tru la ihnimi huni koi nyipunie, xecie hnyawa koi huni troa tro fë koi nyipunie la maca ka loi i Akötresie, ngo tha eje hmekuje kö, ngo mele huni fe, ke itre hnimina nyipunie koi hun.”—1 Thes. 2:8.
Tulu i Iesu
1. Goeëne jë la VIDEO, maine e jë la Ioane 3:1, 2. Nge mekune ju cahu itre hnying:
Nemene la ka uku Nikodremo troa wai Iesu e jidr?—Wange ju la Ioane 12:42, 43.
Nemene la ka amaman e celë laka, ka tru koi Iesu troa inine la itre atr?
Ini Nyine Troa Hnehen
2. Ame la aqane tro sa hnime la itre atr, ke ene la troa thel troa xatua angatr.
Aqane Troa Nyitipu Iesu
3. Kapa ju la aja ne la ka ini Tus. Kapa ju la drai me hawa ka loi koi angeic. Wange ju fe la götrane gaa loi koi angeic. Maine e koilo hnalapa, maine ngöne la hna huliwa i angeic, maine ngöne ketre götrane pena.
4. The triane kö la drai hna sa. Maine hetre jole i eö, thele jë la ketre aqane troa eatrëne la ini Tus:
Ijije kö troa amë ngöne la ketre drai ne la wiik?
Ijije kö troa ini Tus jëne telefon, maine Ëternet?
Maine troa nyihnai eö pena?
5. Thithi jë matre tro pala hi a goeën aloine la ka ini Tus. Ngacama jol koi angeic troa eatrëne la ini Tus i angeic, maine trongëne pena la hnei angeic hna inin, sipo Iehova jë matre tro pala hi eö a catre wai angeic, me thele la itre thiina ka loi thei angeic.—Fil. 2:13.