Kola Sa Hnei Tusi Hmitrötr

Tune kaa, hetre ëje i Akötresieti kö?

KOLA MEKUN HNEI ITRE XAN ka hape, pëkö ëje i Akötresie. Nge ame koi itre xan, ame la ëje i Nyidrë, tre, Akötresie maine Joxu, nge hetre itre xa aqane hë Nyidrëti kö. Ngo tune ka fe la mekuna i nyipunie?

HANAWANGE LA HNA QAJA HNENE LA TUSI HMITRÖTR

“Cilieti la Kasisitia hmekuje hune la fene hnengödrai asëjëihë, nge Iehova la atesiwa i cilie.”—Salamo 83:18.

ITRE XA INI QA HNINE LA TUSI HMITRÖTR

• Ngacama nyimu aqane hë Akötresieti hnene la itre atr, ngo hnei Nyidrëti kö hna sipu qaja amamane la ëje i Nyidrë.—Esodo 3:15.

• Ijije hi tro sa atre Akötresie; nge aja i Nyidrëti tro sa thele Nyidrë.—Ite Huliwa 17:27.

• Ame la troa atre la ëje i Akötresie, tre, celë hi pane ewekë nyine troa kuca matre troa hane ce sinee me Nyidrë.—Iakobo 4:8.

Hapeu, ka ngazo e troa qaja la ëje i Akötresie?

AME KOI EPUN, TRE,

• Eje hi

• Ohea

• Maine thatre kö epun

HANAWANGE LA HNA QAJA HNENE LA TUSI HMITRÖTR

“The tro kö eö a qaja gufane la atesiwa i Iehova Akötesi ’ö.” (Esodo 20:7) Casi hi la ijine kola qaja angazone la ëje i Akötresie, ngöne la kola tha metrötrëne la ëje cili.—Ieremia 29:9.

NEMENE LA ITRE XA INI QA HNINE LA TUSI HMITRÖTR?

• Atre hi Iesu la ëje i Akötresie, nge lolo la aqane qaja nyidrëti la ëje i Akötresie. —Ioane 17:25, 26.

• Aja i Akötresie tro sa hëne la ëje i Nyidrë. —Salamo 105:1.

• Kola tupathe troa xometrije la ëje i Akötresie hnene la itre ithupëjia me Nyidrë, matre pë hmaca kö tro la itre atr a qaja la ëje i Nyidrë.—Ieremia 23:27.