Kola Sa La Itre Hnyinge i Nyipunie
◼ Nemene la itre ewekë nyine tro së a mekune hnyawa, maine kola huliwa ngöne la teritoare ka caasi hnene la luetre maine nyimu ekalesia ka isa qene hlapa.
Hna qaja ngöne la Huliwa ne Baselaia ne juun 1984, fene la hna cinyihane ka hape “Trofë jë la Maca ka Loi” ka hape: “Tro la itretre cainöje ne isa ekalesia a catre troa huliwa ngöne la gurupe ne isa qene hlapa.” Pine laka hna isa thawa la itre teritoare thenge la itre qene hlapa hna qaja hnene la itre atr hna troa öhne ngöne la itre götrane cili. Celëhi matre ketre ixatua katru la tro la itre ekalesia ka troa cainöje ngöne la itre götrane cili, a fejane hnyawa ngöne la ketre lis, la itre uma me itre hnalapa hna tha troa kuca. Hnëqane pëhë la itretre thupëne la huliwa ne cainöje trootro ne la itre ekalesia cili, troa kuca me thele la aqane troa huliwaane la teritoar, matre ea la itre atr ka ajane kowe la itre ekalesia ka qaja la qene hlapa i angatr. Hna amekötine lai matre tha tro kö a ajolëne la itre atr hnene la itretre cainöje ne la ekalesia ka qaja la ketre qene hlapa, maine ngöne la hmakanyi, maine hnaipajö ka caas. Tha ajane kö së troa “nyi jolene la maca ka loi Keriso.”—1 Kor. 9:12.
Hna amekötine kowe la ketre atr ka hetre aja kowe la nyipici, nge ka saze hnalapa, laka loi e troa nyimenyime troa hamëne la ëj, me aderesi angeice kowe la ekalesia ka ikep. Ketre ixatua katru lai kowe la itre ka kuci teritoar, ngöne laka tro angatr’a atre la itre ka tro me ka traqa. Nyipiewekë catre la troa ihnim, me imekunekeun, me itrotrohni, me menyik, me ce huliwa.—Fil. 4:5.
Nyipi ewekë troa xome palahi hnene la itretre cainöje la itre itusi hna cinyihane ngöne la itre qene hlapa ka isa pengön, ngöne lo angatr’a troa cainöje trootro e nöjei ijin. Ngo, e troa cainöje trootro ngöne itre hnalapa, ke, tha tro kö së a trofë la itre itusi hna cinyihane ngöne lo itre xaa qene hlapa, ngo loi hmekujehi lo itre itusi hna amekötine hnene la ekalesia së. Lapa mekune ju laka ame la itre teritoare cili, ke, hetrenyi la itre ka ithahnataane la itre xaa qene hlapa, hawe hna amekötiine laka troa cainöje trootro koi angatre me hamëne la itre itusi ngöne la qene hlapa i angatre hnene la itre trejine ka qene hlapa me angatre matre atreine hnyawa e angatre kowe la itre icasikeu ne la ekalesia ka qene hlapa ne lai atr, maine hnei angeice pena hna ajane me trotrohnine hnyawa.
Ame itre xaa ijin, ke, troa traqa thupe së, maine traqa pane pena. Ngo tune la hna qaja e caha hune la hna cinyihan, “Loi e tro së a lapa mekun, me ajane catrëne la easë a cainöje, laka ame la aliene la tronge së, ke, ene la troa inine la nöjei atr—troa inine la nyipici. (Mata. 28:19, 20) Loi e troa inine la nöjei atr ngöne la qene hlapa hnei angatre hna trotrohnine hnyawa. (1 Kor. 14:9)” E tro së a catre mekune la itre atr ka trotrohnine hnyawaane maine ka ajane la qene hlapa ne la ekalesia hne së hna sin, ke, tro së a thele la nöjei ewekë ka loi matre atreine troa xatuane la nöjei atr ka kösau troa hetrenyi la mel.