Itre Ithuemacanyi Akötresie

Arezatin: Kola elë la itretre cainöje lo treu febuare; 98 601 la etrun. Ngöne la treu cili, 507 lao hna bapataisoon.

Benë: Ngöne la treu febuare, ke, 2 967 lao itretre cainöj. Ame la easë a wange la hna huliwa lo macatre hnapan, ke, easë a öhne laka, kola elë la itretre cainöj, hna e la 13,8 hnine la 100 lao ka cainöj, nge 6,1 hnine la 100 lao hawa, 40,6 hnine la 100 lao zonale hna hamën, nge 25,1 hnine la 100 lao ka ini Tusi Hmitrötr.

Ekoatör: Rapore ne treu febuare a amamane laka, 42 219 lao ka ini Tus hna kuca hnene la 23 176 lao atre cainöj. Easë mina fe a öhne laka, 2 180 lao itretre cainöje ka hnyipixe nge hna e la 3 183 lao ka ini Tusi Hmitrötr, qaane lo treu febuare ne lo macatre hnapan.

Irelaad: Kola elë la etrune la itretre cainöj, 4 093 ngöne la treu febuare 59 hnine la 100 ka elë. Hetre mejiune së kowe la itre drai hnapin, pine laka, 2 682 lao ka ini Tusi Hmitrötr.

Peru: Hna kuca la 68 090 lao hna inine me 36 9437 lao vizit hnene la 43 366 lao itretre cainöj e Peru, ngöne lo treu febuare. Hna xötrei fe la pane uma ne icasikeu katru e Lima, nge 21 140 la itre ka hane sin.

Taiti: Ngöne la treu febuare, kola elë la etrune la itre ka cainöj, 1 604, matre 13 hnine la 100. Matre 64 hnine la 100 ka elë hune lo macatre ka ase hë.

Zair: Nyipici laka, ketre nöje lai ka gomegome ngöne la aqane mele me kuci politik; ngo hna e la 71 098 lao itretre cainöj ngöne la treu febuare. 9 hnine la 100 la ka elë hune lo macatre hnapan. Hna isa kuca hnene la itretre cainöj, la 16,8 lao hawa. Kola elë la itre ka pionie hut enehila, 6 000 la etrun.

Ketre, ngöne la itre xaa nöj, Aruba, Goadelup, Martinik, me St. Krisitof, me itre hnapeti ne U.S. Virizin, memine la itre hnapeti ne Karaib, ke, kola elë la etrune la itretre cainöje ngöne la treu febuare.