Itre Ithuemacanyi Akötresie

◼ Kola elë ngöne la treu febuare, la etrune la itretre cainöje ngöne la itre götrane ahuë ne Afirik, ene e Benë, me Kamerun, me Côte d’Ivoire, me Ghana, me Liberia, me Nizeria.

◼ Nyimutre la itre atr ka kötre ekö qaa Liberia, ke catrehnine catre la itre isi ngöne la nöje cili, ngo bëeke hmaca ha angatr, nge kola mama laka, hetre hni ne ajane la itre atrene la nöj troa kapa la nyipici. Ame ngöne la treu febuare, kola e la 2 286 lao ka cainöj, nge 6 277 la etrune la itre atr ka inine la Tusi Hmitrötr.

◼ Kola elë fe la etrune la itretre cainöje e Makao, 16 koi 100 qa ngöne lo macatre hnapan, matre ame ngöne la treu febuare, ke 135 la ka elë.

◼ Ketre kola elë mina fe ngöne la treu febuare, la etrune la itretre cainöje ngöne la götrane ailojë ne la Pacifique, ene e Fiji, me itre hnapeti ne Solomon, me Tahiti.

◼ Kola elë fe la itretre cainöje ngöne la hnapeti e Madagaskar; 9 484 la etrun, matre 14 koi 100 la ka elë qa ngöne lo macatre hnapan. Kola e fe la 20 000 nge hetre munën, lao etid ngöne la treu febuare.