Ijije Kö Troa Saze La Itre Aqane Nyiqaane Ithahnata Së?

Hetrenyi ngöne la nöjei numero ne la Huliwa ne la Baselaia, la nöjei pengöne aqane troa trofë la maca ka loi, göi troa cainöje trootro. Alanyimu la itretre cainöje ka catre huliwa, nge angatr’a ajane palahi troa hetrenyi la itre mekune ka hnyipixe matre nyimu pengöne aqane tro angatr’a nyiqaane ithahnata. Nyimutre la nöjei mekune hnene la Huliwa ne Baselaia hna hamëne e nöjei treu nyine xatua së.

Ngo ame itre xaa ijin, ke, hnene pë hë la pë ajane matre easë palahi a ma­dranëne la aqane nyiqaane ithahnata. Ketre ewekë lai ka nyi jëne, matre xalaithe hi la itre hawa së ngöne la easë a trofë trongëne la Maca ka loi ngöne itre hnalapa. Ngo, maine hnei epuni pe hna wai ijine troa hnëkëne la itre trenge ewekë nyine troa eköthe la itre aqane nyiqaane ithahnata, qangöne lai, tro itr’ej’a maca ngöne la kola cainöje trootro, nge troa hetre thangane ka loi. Hetre itre mekene tusi ka maca koi së troa amaman, tune lo; Salamo 37:9-11, 2 Peteru 3:13, Hna amamane 21:4, me itre xane ju kö. Nge maine hetre thangane ka loi qangöne la itre mekene tusi hna ithahnata celë, ke, tha hna musinë së kö troa sazen’itrej. Loi pe ame la aja së ka sisitria, ke, ene la troa cainöje koi itre xane matre thuemacanyi angatre la mejiune kowe la Baselaia, me xatua a­ngatre troa atrepengöne la aqane tro a­ngatre fe a kapa la itre manathithi qathei Iehova. Ketre kaloi mina fe tro së a iëne la itre mekune qangöne la itus Comment raisonner. Nge maine hna kapa hnyawan’itr’eje hnene la itre atr, ke, the luelue kö troa huliwaan.