Easë a Troa Inine Hmaca La Itus Révélation: dénouement
1 Ngöne la götrane hna sija lo taane la itus, ene Révélation: dénouement, ke, hna fejane la Hna amamane 1:3: “Manathithi hë angeic’ate e, me angete denge la nöjei wesi ula hna perofetan.” Tru catre la madrine la nöje i Iehova, la kola öhne laka kola aeatrëne enehila la itre hna perofetane ngöne la itus Hna amamane. Hna qejepengöne ngöne la itus La Révélation: le grand dénouement est proche!, la itre ewekë ka traqa ngöne la hnedrai së enehila, ene “la drai ne la Joxu.” (Hna ama. 1:10) Qa ngöne la hne së hna inine la itusi celë, ke, hne së hna trotrohnine hnyawaane la itre ewekë ka traqa ngöne la fene hnengödrai asë, tune la itre pengöne la hmi ka thoi, memine la aqane troa xometrongëne la itre nöje kowe la Amagedo, ka ceitune mina fe memine la itre huliwa i Iehova kowe la nöje i nyidrë.
2 Ame the së, alanyimu la ange ka tro hmaca a inine la tusi celë; tha kolo hmekuje kö a troa amexeje lo itre mekune hne së hë hna ce wang, ngo kolo pe matre atreine së goeëne la itre ewekë ne la ua, nge maca koi së e troa wange la nöjei ewekë ka mama trootro uti hë la troa traqa kowe la drai ne tro Iehova a hune hui itre ithupëjia me nyidrë. Troa öhnyi thangane ka loi hnene fe lo itre thauzane lao atr ka hane lö hnine la organizasio i Iehova ngöne lo la luetre maine köni macatre ka ase hë, qa ngöne laka easë hmaca ha enehila a troa nyi hnaakönine inine ngöne la itre ini tusi ne la ekalesia la itus Révélation: dénouement.
3 Hnëkëne jë matre troa sine la icasikeu me traqa troa hamëne la itre mekune hna hnëkëne hnyawa, qaane e okotropa drai 3, 1994. Tro së a öhnyi loi, me manathith, e hne së hna wangatrehmekune hnyawaane enehila la aliene la itre ewekë ka traqa e celë fene hnengödrai asë, me qa ngöne la hne së hna nyipiewekëne la itre hna perofetaane ngöne la itus Hna amamane. Hawe, loi e troa tru koi së la aliene la itusi celë, pine laka easë hë a melëne la itre ewekë hnen’eje hna perofetaan. Epi tro së a kapa madrine la manathithe hna thingehnaean, qa ngöne la hne së hna e, me dreng, me mekune la itre hna perofetaane thatraqane la hnedrai enehila!