Révélation : le grand dénouement est proche !
1 “Manathithi hë angeic’ ate e, me angete denge la nöjei wesi ula hna perofetan, me trongëne la nöjei ewekë hna cinyihane ngön ; ke eashenyi hë ijin.” (Hna ama. 1:3) Itre trenge ewekë la ka amamane hnyawa la enyipiewekën la tusi Hna Amamane; ka tru koi së la itusi celë, easë itre ka mele ngöne la ijine kola eatre la itre hna perofetane ka nyimutre. Celë hi matre tro sa nyiqaane ini ngöne la tusi Révélation : le grand dénouement est proche ! jëne la itre Ini Tusi Ne La Ekalesia qaan e 8 Januare 2007 me wiike cili.
2 Qaan e ekö lo easa ini ngöne la tusi Révélation : le grand dénouement est proche ! ngöne la itre Ini Tusi Ne La Ekalesia, saze catre la fen ngöne la itre götrane ka nyimutre. (1 Kor. 7:31) Ketre, nyimutre catre la itre atr ka hane ce cainöje me easë enehila ka thaa hane kö kapa lo itre ini, ngöne la kola goeën ekö lo itre xötr ne la tusi Hna Amamane. Loi e tro la etid ne la itus Révélation : le grand dénouement est proche ! a xatua së asë troa lapa mekune hnyawa la itre ewekë ka troa traqa elany.—Hna ama. 16:15.
3 Thaa tro pi kö a triane la itre Ini Tus ngöne la nöjei wiik. Thaa kolo hmekuje kö a troa xatua së troa hmek hnene la itre mekun hna troa ithanatan, ngo jëne fe la itre ithuemacanyi hna hamëne hnei Iesu kowe lo sevene lao ekalesia, kola troa xatua së troa neëne la itre ewekë me itre götrane ka troa ananazijëne la mele së ngöne la ua memine la aqane hane sine së la huliwa ne cainöj.—Hna ama. 1:11, 19.
4 Loi e Troa Hnëkë Hnyawa: Qëmekene la nöjei ini tus, tre, troa e la itre xötr ne la tusi Hna Amaman hna troa ce wang. Goeëne ju la itre mekune ka qejepengöne la xötr ne la Tusi Hmitrötr. Loi e tro sa thele troa trotrohnine hnyawa la itre mekune ka tru ka troa ketr la itre hni së. (Neh. 8:8, 12) Xomi ijine jë troa mekune thel me isa hnyinge ka hape: ‘Nemene la hna qaja koi ni hnene la xötr göi Iehova me göne la aja i Nyidrë? Nemene la aqane tro ni a ujë thenge la aja i Nyidrë me xatuane la itre xan?’
5 Naitre tru hë lao macatre enehila, qaane lo kola nyiqaane lo “drai Joxu” ngöne lo macatre 1914. (Hna ama. 1:10) Hna thingehnaeane la itre ewekë ka tru cili ngöne la tusi Hna Amamane qëmekene tro itre ej a eatr. Haawe, kola troa akeukawane hmaca la itre hni së memine la itre mekuna së hnene la itus Révélation : le grand dénouement est proche ! Ketre, kola troa acatrene fe la lapaune së laka, easenyi catre hë la “drai atraqate i Akötresie Ka pucatin asë” memine la fene ka hnyipixe.—Hna ama. 16:14; 21:4, 5.