La Tour de Garde, Me Réveillez-vous!—Nyipiewekë La Itre Zonale Kowe La Hnedrai Së!
1 Kola ha mama trootro la itre ewekë ka tru alien, itre hna perofetane hnei Tusi Hmitrötre a kola eatre enehila! Maine hne së hna goeëne la itre ewekë ka cile xötreithi së e celë fen, maine hnine pena la organizasio i Akötresie, ijije tro së a trotrohnine hnyawa laka nyipiewekë tro së a cainöjëne la “Maca ka loi” ne la Baselaia. (Mareko 13:10) Celë hi kepine matre, loi e tro së a catre fë la huliwa së ngöne la treu Eiperem.
2 Troa amamane hnyawaane la enyipiewekëne la ithuemacanyi hnene la ketre huliwa ka ketre pengöne hne së hna troa aeatrëne ngöne la treu celë. Easë a treqene madrine la ijine troa kapa la Itre Ithuemacanyi ne la Baselaia hne së hna troa trofë trongëne e treu Eiperem me Mei. E maine easë a ajane troa kökötre la madrine së kowe la huliwa cili, me xupexatuane la aja ngöne la itre götrane së, ke, ijije tro së a hane trofë trongëne la itre mekune ka ijije qa hnine La Tour de Garde me Réveillez-vous! itre zonale ka ijij nge ka troa amamane hnyawa la pengöne la itre hna perofetane ngöne la itre ewekë ka traqa e celë fen. Nemene la aqane tro së a hnëkëne la ketre aqane ithahnata matre amejëne la ajane la atr kowe la itre zonale?
3 Maine jë tro epuni a kuca la aqane trofë celë ka hetre thangan: (1) Iëne jë epuni la ketre hna cinyihane qa hnine la ca zonale qa ngöne la itre hnei epuni hna kapa, la mekune hnei epuni hna öhne ka troa ketr la itre atr ngöne la götrane i epun. (2) Qaja ju la ketre ewekë hna melën, maine xome ju pena la ketre mekene tusi ka eje hnine lai hna cinyihan, hnei epuni hna öhne hnyawa laka ka troa amejëne lai aja ne lai atr. (3) Ngöne la kola hnëkëne la ketre aqane trofë, ke, mekune ju fe laka loi e troa ibozu madrin, me hnëkëne la ketre hnyinge maine ketre ewekë ka traqa ka amamane hnyawaane la ketre mekune ka nyipiewekë ne la Tusi Hmitrötr, memine fe la troa thele matre troa abone. Tune la epuni a goeën, ke, hmaloi, nge tha jole kö. Maine wange ju la ketre ka troa cainöje trootro me epuni nge ce hnëkëne jë me angeice lai aqane trofë ithahnata.
4 Pine laka hna amejëne la hnyinge hnene la “Réveillez-vous!” ne 22 Eiperem, kola hape “Hapeu, celë kö lo itre drai hnapin?” ijije tro epuni a ce wange hmaca la itre mekune fene la hna cinyihane ka hape “Itre drai hnapin” ngöne la götrane 13 ne la itus “Comment raisonner”. Ijije tro epuni a nyiqaane tune la:
◼ “Eahuni a troa ithahnatane la pengöne la itre ewekë ka traqa koi së enehila. Pane Goeëne ju la hna qaja hnene la hna cinyihane celë . . .”
5 Ame ngöne la “Tour de Garde” ne 1 Eiperem, ke, hna hnyinge ka hape: “Hmi—Ketre taane mekune hna xouene troa ithahnataan?” Ngöne la epuni a abone la itre atr, ke, qaja ju ka hape:
◼ “Hna majemine qaja ka hape ame la hmi, ke, tha ewekë kö nyine troa ithahnataan, pine laka, kola thele troa iawesitrë. Tuneka fe la mekune i epun?” Thupene hë, amamane ju la ketre mekune hnine la hna cinyihan.
6 Maine jë epuni a troa trofë la “Tour de garde” ne 15 Eiperem, ngöne lo hna cinyihane ka hape “Hapeu, ijije kö tro së a hane öhne la nyipi hmi?” ijije troa sa hmekune jëne la aqane trofë celë:
◼ “Hnene laka tru la itre hmi enehila, nyimutre la itre atr ka isa hnyinge ka hape, ijije jë kö troa öhne la nyipi hmi me kapa la nyipici göi Hmi. Kola amamane hnene la hna cinyihane celë ka hape ijije tro shë a ce atrepengöne la mekune cili. . . .”
7 Qëmekene troa cainöje, loi e troa amacaane la aqane trofë i epuni memine la ketre atre cainöje matre troa maca, nemene la ka ajolë epuni e troa tupath? Ejehi laka tro epuni a ithawakeune la itre mekune ka ixatua me ka troa nyijë i epuni matre maca me hetre mejiun.
8 Eje hi laka easenyi catre hë matre patre pi la fene celë, qa ngöne lai, loi e tro palahi së a catre xatuane la itre atr ka hni ka ipië troa löpi qa hnine lo Babulona atraqatr. (Hna Ama. 18:4) Hawe, jëne iamele la lue zonal, ene La Tour de Garde me Réveillez-vous! ngöne la huliwa celë ka troa paatr. Loi e tro palahi së a olen’atraqatre koi Iehova la hnei Nyidrëti hna hamëne koi së la itre jiane huliwa!