Troa Hnëkë Tune Kaa Troa Tro Fë La Itre Zonal
1. Pine nemen matre ka lolo catre troa isa hnëkëne hnyawa la ketre aqane nyiqaane ithanata matre troa tro fë la ketre zonal, hune la troa lapa mekune me e gufane lo ketre hna hamën hnine la Huliwa Ne Baselaia?
1 Maine jë tro nyipunieti a isa hnyinge ka hape, ‘Hnauëne la easë a xome la itre aqane nyiqaane ithanata hna hamën ngöne la nöjei Huliwa Ne Baselaia matre troa hnëkë troa tro fë la itre zonal?’ Maine nyimutre la itre trejine ka öhne laka ka ixatua catre la itre aqane nyiqaane ithanata cili, ngo ame pe, nyipi ewekë catre troa isa hnëkë hnyawa. Eje hi lai laka, thaa hnene kö laka hetre thangane la ketre aqane nyiqaane ithanata ngöne la ketre götran, ke tro fe hë a eje fe ngöne la ketre. Qa ngöne lai, thaa tro kö sa mekune ka hape, tro pala pë hë së a tro fë la itre zonal me xome mekötine me e gufane la itre hna hamëne hë. Ngacama easë a iën troa xome la ketre aqane nyiqaane ithanata ka hmaloi, ngo ka lolo catr e tro sa sipu eköth la itre trenge ewekë së matre troa qaja la mekune ka caas.
2. Nemene la ka troa aijijë epuni troa atrehmekune la hna cinyihan hnei epuni hna troa tro fë?
2 Troa Iëne La Ketre Hna Cinyihan: Thupene la hnei epuni hna e la zonal, iëne jë la ketre hna cinyihane ka ihmeku memine la aja ne la itre atr ngöne la teritoar hnei epuni hna troa cainöje ngön. Ame ngöne la epuni a tro fë la hna cinyihan, maine jë tro la aja memine la madrin ka eje thei epuni a upe la atr tro pena angeic a hane e lai hna cinyihan. Ngacama tro nyipunieti a tro fë la zonal hmekune lo lai hna cinyihan ka troa ketr la itre atr ka ala nyim, ngo ame pe, nyipi ewekë fe tro epuni a hane atre hnyawa la itre xaa hna cinyihane hnine lo lai zonal. Celë hi ka troa aijijë epuni lai troa saze la aqane nyiqaane ithanata memine la ketre atr ka troa pi ithanatane pena ha la ketre topik.
3. Nemene la pengöne aqane nyiqaane ithanata hnei epuni hna troa xome matre troa hetre thangane ka loi hna kapa?
3 Xome Jë La Ketre Hnying: Thupene lai, hnëkëne hnyawane jë la itre pane trenge ewekë nyine troa qaja. Ka nyipi ewekë catre la aqane nyiqaane ithanata. Maine jë troa xome la ketre hnying ka troa ahlën la mekune i angeic, me aciane la aja i angeic troa hane e la hna cinyihan hnei epuni hna iën troa tro fë. Ka hetre thangane catr la itre hnying hna xome göi troa atre la mekuna ne la ketre atr. The xome kö la itre hnying ka troa ahmahman maine aelëhni angeice pena.
4. Maine kola nue hnene la ketre atr troa e la ketre xötr, nemene hë la itre thangane koi angeic la hna fe Tusi Hmitrötr?
4 E Jë La Ketre Xötr: Nyipune ju hnene la hna iëne la ketre xötr ne la Tusi Hmitrötr, nge maine pëkö ejolene kowe la atr, tre, e jë; maine jë troa xome la ketre xötr hnei epuni hna iën e hnine la hna cinyihan hnei epuni hna hane troa tro fë. Ame la easa e la xötr, tre tro lai a xatuane la atr troa öhne laka ame la maca hne së hna tro fë, tre, qa hnine la Wesi Ula i Akötresie. (1 Thes. 2:13) Ngacama tro angeic a thipën la itre zonal, ngo ame pe, tre, ase hë anyipicine koi angeic jëne la xötr ne la Tusi Hmitrötr. Ame itre xaa trejin, tre, hnei angatr hna e la ketre xötr ne la Tusi Hmitrötr matre ahlën la aja ne la atr, nge thupene lai angatr a hnying. Maine jë tro nyipunie a nyiqaane xome la ketre xötr, me qaja ka hape, “Eni a ajan troa atre la mekuna i epuni ngöne la hna qaja hnene la xötre ne la Tusi Hmitrötre celë.” Thupene lai, amamane jë koi angeic la ketre mekune ka ihmeku memine lai ngöne la zonal hnei epuni hna hnëkëne hë, nge hamëne jë la ketre hnepe mekun ka troa ahlëne la aja i angeic qëmekene troa liine ej koi angeic.
5. Nemene la itre hna amekötine nyine troa lapa mekune hnyawa ngöne la easë a hnëkëne hnyawa la aqane tro fë la itre zonale së?
5 Pëkö hna amekötine ngöne la nyine tro sa qaja ngöne la kola tro fë la itre zonale së. Eje hi lai laka, ka lolo catre e troa hmaloi nge thaa tro kö a qea la itre aqane nyiqaane ithanata së. Xome jë la ketre aqane nyiqaane ithanata ka thaa jole kö tro sa qaja, nge ka hetre thangane ka loi. Amamane hnyawa jë la elolone me enyipiewekëne la itre zonale së, nge loi e troa hetre hni ne ajane troa tro fë itre ej. Maine tro sa hnëkë hnyawa, haawe, tro ha hetre thangane hnyawa la itre zonale së, La Tour de Garde me Réveillez-vous ! hne së hna tro fë kowe la itre “hna hnëkëne (itre hni ka ajan) kowe la mele ka tha ase palua kö.”—Ite hu. 13:48.