Kola Sa La Itre Hnyinge i Nyipunie
◼ Nemene la itre ewekë nyine tro së a xome kowe la itre ijine icasikeu?
Ngöne la nöjei wiik, easë a kepe thangane la itre ini me ithuecatre hna hamë së ngöne la mele së, nge easë fe a kapa la ithuecatre ngöne la itre icasikeu ne la ekalesia. (Isa. 48:17; Heb. 10:24, 25) Ngo, ejehi laka, e tro së a hnëkë hnyawa, ke, tro fe a tru la thangane hne së hna kapa.
Nyipi ewekë catre tro la itre atrene la fami a isa hetrenyi la itre ewekë nyine ini me itre xane ju kö thatraqane la itre icasikeu. Kola qaja la Tusi Hmitrötr, ca nyima, me itre itusi nyine troa wang, me tusi nyine fejane la itre mekun, ca peen, me ca penisel.
Ame göne la ini ne la huliwa qa thei Akötresie, ke, nyipiewekë troa hetrenyi la porogaram, memine fe lo Manuel de l’École du ministère théocratique. Itre ewekë lai ka troa xatua së troa amë hnyawa ngöne la he së la taane mekune hna troa cainöjëne hnene la hna inin, nge tro fe së a hane trotrohnine hnyawa la kepine la itre ixatua hna troa hamëne hnene la atre thupëne la ini. Tro hë së a ketre atreine huliwaane la ihaji memine la itre ixatua matre loi la aqane cainöje së, memine la itre aqane tro së a trofë la maca ka loi ngöne la huliwa ne cainöje trootro. Qaane lo treu januare, ke, nyimutre la itre cainöje ne ini hna xome qa ngöne la itusi Les Témoins de Jéhovah—Prédicateurs du Royaume de Dieu. Maine jë tha ijije kö kowe la nöjei atrene la fami troa hetrenyi la caa itusi e isa alacas; ame pe loi e troa xome la caa itusi thatraqane la fami asë troa ce goeën.
Ame göi icasikeu ne huliwa ne cainöje trootro, ke, nyipiewekë troa hetrenyi la Huliwa ne Baselaia, memine la itus Comment raisonner. Ketre, nyipi ewekë troa traqa fë la nöjei itus hna troa ce wange ngöne la ijine icasikeu, tune lo itre hna troa huliwaane ngöne la itre iamacany. Tro la itre qatre thup’a hetrenyi thei angatre la itus Organisés pour bien remplir notre ministère.
Tro la itre keme me thin’a majemine ce lapa memine la itre nekö i angatr, me thupë angatre hnyawa ngöne la itre icasikeu ne la ekalesia. E maine hna canga hamë angatre la sipu La Tour de Garde i angatre e angatr’a co, nge thatreine petrekö angatre e tus, ke, tro ha kökötre la aja i angatre kowe la itre ewekë ne la ua. E maine hna ini angatre troa metrötrëne la itre itusi qa thei Akötresie, me huliwaane itr’ej, ke, tro angatr’a tru fë la hna majemine ka loi celë.
Troa atraqatre la madrine së, me loi la itre hni së qa ngöne la hna sine la itre icasikeu, e hne së hna hnëkëne me xome palahi la itre ewekë nyine troa huliwaane ngöne la itre ijine icasikeu. (2 Tim. 3:17) Celëhi aqane kuca lai ka sisitria, matre xeci koi së laka “tiqa së hnene la trotrohnine la aja i nyidë ngöne la inamacane asë ne la u me wangate hmekun.”—Kol. 1:9.