Kola Sa La Itre Hnyinge i Nyipunie

◼ Ame hë enehila hetrenyi hë the së la itus La connaissance qui mène à la vie éternelle, haawe troa ije treu ne troa inine la Tusi Hmitrötre jëne ej?

Hnene lo Huliwa ne Baselaia ne treu semitrepa, 1993 hna ithuecatre koi së ekö troa inine asë la lue itus. Ame enehila, easë a ini jëne la itus Connaissance, celë hi matre hetre ewekë ka saze, hna qaja hnyawa la itre pengöne ka hnyipixe ngöne la itre mekune ka eje ngöne La Tour de Garde ne 15 januare, 1996, götrane 13 me 14.

Hna kuca la itus Connaissance matre troa xatuane la itre atr “hna hnëkëne kowe la mele ka thaa ase palua kö” troa atrepengöne la itre ewekë ka aijijë angatre troa hane sa xepu koi Iehova me xome la bapataiso. (Ite Huliwa 13:48) Ngo e fenesi hë la itusi ka hnyipixe celë, ke, thaa nyipi ewekë hmaca kö troa xome la ketre itusi matre troa sisedrëne la ini tus. Maine kapa ha hnene la ka ini tus la nyipici, qa i epuni pë hë troa xatua angeice ene la troa apexejene la atrehmekune i angeice jëne la itre icasikeu i itre Temoë i Iehova, tro fe a amamane koi angeice la enyipiewekëne la troa e lapane la Tusi Hmitrötre memine la itre sine tus i sasaiatri.

Loi e tro epuni a atre hnyawa la itre mekune ka eje ngöne la itre götrane 174 uti hë 218 ne la itus Organisés pour bien remplir notre ministère, nyine ixatua ka tru lai koi epun. Ngacama thaa epuni kö a troa amamane la itre hnyinge celë maine ce wange pena itre eje memine la hnainin, ngo loi e tro angeice a öhne hnyawa la enyipi ewekëne la itre mekune cili ngöne la ijine kola inine la itus Connaissance; celë hi itre mekune lai ka amamane la hnei angeice hna trotrohnin, tro fe angeice a atreine sa la itre hnyinge hna troa ce wange me angeice hnene la itre qatre thupe qëmekene la troa xomi bapataiso.

Tha nyipi ewekë kö troa hamëne la itre xaa ithuemacanyi e tröne la itus Connaissance, ene la troa xome me goeëne la itre xaa itusi pena, maine troa qejepengöne atrune pala ha jëne la itre xaa mekune ka troa sajuëne la itre ini qa hnine la Tusi Hmitrötr, maine ka jelethoine la itre ini ka thoi pena. Tro lai a qea menu la etid. Ngo loi pe aja së troa canga inine asë la itus, maine ngöne la sikisi lae treu. Qanyi së troa canga inine la itre taane mekune matre thaa jole koi së troa qejepengöne hnyawa itre ej. Loi e tro la hnainine a canga hnëkëne la etidi angeic, me thele la itre xötre hna fejan, me catre troa waipengöne hnyawa la ini hna kapa ngöne la nöjei mekene la itus.

Hnene La Tour de Garde hna amamane hnyawa la enyipiewekëne kowe la itre Temoë i Iehova troa inine la Tusi Hmitrötre memine la itre hnainine ka nyimutre ngöne hi la hnepe ijine ka xoxopatr. (Goeëne ju la Isaia 60:22.) Tro la aqane huliwane la itus Connaissance a xatuane la itre ka xötrei etid matre tro angatre a hane hetrenyi la atrehmekune ka troa eatrongë angatre kowe la mele ka thaa ase palua kö, me xötrethenge ej.​—Ioane 17:3.