Loi e Troa Tro Cememine La Lapaun
1 Nyimutre la itre atr, itre milio la etrun, angatre a eköthe la mele i angatre hune la itre mo i angatr, kola ahmo angatre hnene la aqane iaö ne la itre trengamo ne fen. (Mata. 13:22) Trotrohnine hë angatre la engazone la aqane ujë i angatr, hnene laka, kola meci hnene la itre trene mo, maine hna ënö angatre pena, maine pena, angatre a sipu öhne laka, gufa kö la thangane ka loi koi angatr. Qa ngöne lai, kola ithuecatre koi së troa wangatrune la nyipi mel, me catre thele la itre mo ne la ua. (Mata. 6:19, 20) Kolo lai a hape, troa “tro hnene la lapaun.”—2 Kor. 5:7.
2 Ame la hnaewekë hna hape “lapaun,” ke, hna ujëne eje qa ngöne la hnaewekë qene Heleni kola qaja la lapaun, me mejiun, memine la troa xeci e kuhu hni. Ame la troa tro hnene la lapaun, ke, kola hape, troa cile kowe la itre jole cememine la mejiun, nge ka xeci e kuhu hni së laka, atreine tro Nyidrëti a eatrongë së, nge thaa luelue kö së, qa ngöne laka, tru la aja i Nyidrë troa thupë së me hamëne la itre hne së hna ajan. Hnei Iesu hna hamëne la tulu ka meköt; hnei nyidrëti hna lapa mekune la ewekë ka sisitria koi nyidrë. (Heb. 12:2) Ketre nyipiewekë mina fe tro së a aejëne e kuhu hni së la itre ewekë ngöne la ua ka sihngödr hna thaa goeën. (2 Kor. 4:18) Thaa tro kö së a mejiune menune kowe la mele së enehila, ngo loi e tro pe së atrehmekune hnyawa la enyipiewekëne la troa lapa easenyi Iehova.
3 Nyipiewekë troa xecie koi së laka, Iehova a eatrongë së jëne la organizasio i Nyidrë e celë fene ka mama, nge hna elemekene hnene la “hlue ka nyipici me ka inamacan.” (Mata. 24:45-47) Easë a amamane la lapaune së ngöne la easë a “idei kowe la ite mekene së” hnine la ekalesia. (Heb. 13:17) Ame la easë a huliwa ngöne la ipië, me ixatuanekeune la itre hna amekötine, ke, easë lai a amamane la mejiune së koi Iehova. (1 Pet. 5:6) Loi e tro së a hamëne qa kuhu hni së la ixatua së kowe la huliwa, ene la hnëqa hna hamëne kowe la organizasio. Tro la thiina së ka loi a acatrene la aqane imelekeu së memine la itre trejine me easë ngöne la otretre ka catre ne la ihnim, me caas.—1 Kor. 1:10.
4 Troa Acatrene Tune Ka La Lapaun: Thaa tro kö së a nue la lapaune së troa nanazij. Nyipiewekë tro së a isine troa acatrene la lapaune së. Maine tro së a inine lapaane la Tusi Hmitrötr, me thithi lapa, me sine pala hi la itre icasikeu, ke, tro hë lai a catrecatre la lapaune së, nge jëne la ixatua i Iehova, ijije tro së a cile kowe la nöjei itupath. (Efe. 6:16) Hapeu, hnei epuni kö hna ami ijine göi troa e la Tusi Hmitrötre e nöjei drai, me hnëkëne la itre icasikeu? Hane fe kö epuni mekune hnyawa la hnei epuni hna inin, me easenyi Iehova jëne la thith? Majemine kö epuni troa sine la nöjei icasikeu, me hane catre qejemekune e cili?—Heb. 10:23-25.
5 Troa mama laka, catre la lapaun, e lolo la itre huliwa hna kuca. (Iak. 2:26) Ame la ketre jëne troa amamane la lapaune së, ke, ene la troa qaja trongëne la mejiune së koi itre xan. Epuni kö a thele ijine troa cainöjëne la maca ka loi? Ijije kö tro epuni a ahmaloeëne la aqane mele i epun, matre tru la traeme ne troa cainöje trootro? Epuni kö a trongëne la itre ixatua hna kapa matre maca hnyawa la aqane cainöje së, nge matre troa hetre thangane eje ka loi? Epuni kö a hane isa mekune hnyawa la itre aja i epuni ngöne la ua me hnëkëne itre ej, nge epuni fe kö a catre troa isa eatrëne itre ej?
6 Hnei Iesu hna upi së troa thupëne wanga sisitria hmaca jë pena koi së la aqane mele enehila, me nue la itre mo ne fen maine itre sipu hne së hna ajane pena, troa thungejëne la aqane wange së ngöne la ua. (Luka 21:34-36) Nyipiewekë tro së a wange hnyawa la aqane tronge së, matre matre atreine së troa neëne la itre ewekë ka troa akeine la lapaune së. (Efe. 5:15; 1 Tim. 1:19) Tro asë hi së a mejiune laka, ame hë ngöne la pun, atreine hi tro së a qaja ka hape ‘ase hë së ishine la ishi ka loi, nge ase hë së umuthe la hnaisasaqe, nge xölehuje pala kö së la lapaun.’—2 Tim. 4:7.