“Loi e Catre Nyipunie”

¹ Ame ngöne lo easë a nue la mele së troa nyihlue i Iehova, hne së hna isisinyikeu me Nyidrëti troa kuca asë la hne së hna atreine koi Nyidrë. Celë hi ixatua lai hnei aposetolo Peteru hna hamëne kowe la itre keresiano ne la hneijine i Iesu, matre xecie hnyawa koi angatre laka, Iehova a kepe angatr. (2 Pet. 1:10) Eje hi laka, ame la aja së ka tru ke, ene la troa catre troa amadrinë Iehova, ene la troa nyihlue i Nyidrë ngöne la hnedrai së enehila. Matre, nemene la aliene lai koi së? Maine lolo la ejuine la aqane imelekeu së me Iehova, nge easë a mekune hnyawa fe la nöjei ewekë hnei Nyidrëti hna kuca koi së, haawe, tro ha ketr la itre hni së, me upi së troa kuca asë pala hi la hne së hna atreine ngöne la huliwa i Nyidrë. Easë a ajane troa hetre thangane catre la huliwa së, matre loi e troa thele troa aloine pala hi la itre aqane troa cainöj, me akökötrene la etrune la traeme hna troa xome kow.​—Sal. 34:8; 2 Tim. 2:15.

² Hna wangatrehmekune hnene la ketre thöthi ka ajane troa catre cainöje laka, ame ngöne la angeice a inine lapaane la Wesiula i Akötresie, ke, kolo fe a kökötre catre trootro la ihnimi angeice koi Iehova, nge kola hetrenyi fe la ajane thei angeice troa catre cainöj. Celë hi ka uku angeice lai troa xome la huliwa ne pionie. Hna öhne mina fe hnene la ketre söre laka, jole catre koi eahlo troa ithahnata memine la itre trehnyiwa, haawe, eahlo a xome ju la itre aqane nyiqaane ithahnata qa hnine la itus, Comment raisonner me ithahnatane itre eje ngöne la hna cainöje trootro; qaane ju hi lai, hetre thangane catre fe hë la huliwa i eahlo. Atreine hë eahlo troa etidi kowe la lue trefëne ka kapa la nyipici.

³ Madrine Jë Qa ngöne La Itre Hnepe Hna Atreine Troa Kuca: Alanyimu the së la itre trejine ka melëne la itre ewekë, tune la kucakuca, maine icilekeu i fami, puafala, maine pë pena ihnimi ne la itre atr ngöne la teritoar. Nyimutre catre kö la itre xaa jole qangöne la mele ka eje ngöne lo itre drai hnapine ene enehila, ka troa thingejëne la huliwa së. (Luka 21:34, ith. e cahu fen; 2 Tim. 3:1) Hapeu, kolo lai a hape, triane hë lo hne së hna sa xepu koi Iehova? Ohe, thaa eje kö lai, e maine ase hë së kuca asë la hne së hna atreine troa nyihlue i Nyidrë.

⁴ Thaa tro kö së iwangethenge hna huliwa. Loi pe Tusi Hmitrötre a xatua së troa “isa tupa huliwan, ame hna hetenyi së la nyine amadine qa the së kö, ngo tha qa thei kete kö.” Maine tro së a nue hnyawa la mele së kowe la huliwa i Iehova, atreine hi tro Nyidrëti a kepe së, me hamë së “la nyine amadrin.”​—Gal. 6:4; Kol. 3:23, 24.

⁵ Epi mekune hnyawa së la hna qaja hnei Peteru, hna hape, ‘cate jë mate öhnyi nyipunieti jë ngöne la tingeting, ka pë ethan, me pë engazone xajawa i nyidë.’ (2 Pet. 3:14) Tro la uati cili a thupë së me hamëne la tingetinge ne la mekun, a ka xulu hmekuje qa thei Iehova.​—Sal. 4:8.