Ketre Iwai Ka Hamë Manathith
1 Atraqatre pi hë la madrine i Zakaio troa kepe Iesu, ngöne la angeice a könë nyidrë kowe la hnalapa i angeic. Nge drei kö la manathithi hna kapa qa ngöne la iwai cili!—Luka 19:2-9.
2 Ame enehila, Iesu Keriso, hene la ekalesia a upe la itre qatre thupe troa “ithu ane la hnënge mamoe i Akötesie.” (1 Pet. 5:2, 3; Ioane 21:15-17) Thaa kolo hmekuje kö a hamë ini jëne la itre icasikeu, me elemekene la huliwa ne cainöj, hnene la itre qatre thup, ngo angatre fe a hnime la itre atrene la ekalesia, me hamëne la ixatua ka ijije koi angatre isa ala caas. Qa ngöne lai, thaa tro kö së a sesëkötre ngöne la itre xaa ijin, la kola easenyi së hnene la itre qatre thup, maine ngöne la hnalapa së, me hnine la Uma ne Baselaia, me ngöne pena la ijine kola cainöje trootro, maine ngöne itre xaa ijine pena. Hapeu, tro kö epuni a xouene la iwai ne la itre qatre thup? Ohe. Thaa angatre kö a traqa troa wai epun, pine laka, hetre thiina ka ngazo hnei epuni hna kuca. Matre nemene kö la aliene la kola iwai hnene la itre qatre thup?
3 Hna qaja hnei Paulo ka hape, hetre ajane i nyidrë troa wange la itre trejine matre troa ‘atre la pengöi angatr.’ (Ite Huliwa 15:36) Nyipici, ceitune la itre qatre thup, memine la itretre thupë mamoe, laka, hetre hni ne ajane i angatre troa atrepengöi epun. Angatre a ajane troa hamëne koi epuni la ixatua ngöne la götrane la ua, ene la ketre ithuecatre nyine loi koi epun, me nyine acatrene la lapaune i epun. Drei fe la ketre ajane ka eje thei Iehova, Atre thupë mamoe ka ihnim, ene la tro fe së isa ala caasi a kapa la aqane iwai cili.—Ezek. 34:11.
4 Kapa Ju La Itre Iwai Ne La Itre Qatre Thup: Ame la kepine matre Paulo a tro troa wange la itre trejine me nyidrë, ke, hnene laka, nyidrëti a troa ‘hamë angatre la ketre ihnimi ne ua, me acile huti angatr, nge matre troa ce akeukawanyi nyidrë me angatr.’ (Rom. 1:11, 12) Jole catre la itre drai celë, lo hna hape, itre drai hnapin; celë hi matre easë asë hi a aja ithuecatre ngöne la götrane la ua, nge easë pala fe a ajane troa acatrene la lapaune së. Maine tro epuni a kapa hnyawa la iwai ne la itre qatre thup, haawe, thaa tro kö a gufa la thangane la aqane ujë cili, tro pe a tru la madrine qa ngöne la hna ithuecatrekeu.
5 Loi e tro së a kapa la itre manathithi ka nyimutre, hna hamëne jëne la huliwa ne thupë mamoe ne la itre qatre thup. Maine hetrenyi la ketre ewekë, maine ketre hnyinge pena hne së hna hnehengazon, loi e tro pala hi së a atre laka, hna acile la itre qatre thupe hnine la ekalesia troa ixatua. The luelue kö së troa ce ithahnatane me angatre la itre xaa ewekë ka ajojezine la mele së ngöne la götrane la ua. Epi wangatrune hne së la hna amekötine cili, hatrene la ihnimi Iehova, nge loi e madrine fe së la itre thangane ka loi hna kapa qa ngöne la iwai ne la itre qatre thup.