Troa “Tupathi Angat” Tune Kaa?
1 Kola kökötre trootro la organizasio i Iehova, nge kolo mina fe a aja trejine ka macaje troa hane drikona. Nyimutre la itre trejine trahmanyi hna thaa acile petre kö troa drikona, kola hane e fe la itre thöth, angatre a ajane troa hane xome la itre hnëqa e hnine la ekalesia. Ame la kola hamë götrane qa koi angatr, haawe, angatre a madrine atraqatr qa ngöne laka, kola hane wangatrunyi angatr, nge hetre ajane thei angatre troa kuca hnyawa la hnëqa cili. Maine angatre a ajane troa kökötre ngöne la ua, loi e troa “thupathi angat.” (1 Tim. 3:10) Matre troa tupathi angatre tune kaa?
2 Hnëqa ne la itre Qatre Thup: Thaa tro kö la itre qatre thupe a goeëne hmekuje thene la ketre trejine la aqane melëne angeice la itre ewekë hna thele thene la drikona, hna cinyihane ngöne 1 Timoteo 3:8-13, ngo loi e tro fe angatre a tupathe la trejine ngöne la aqane xome angeice la itre hnëqa. Loi e tro angatre a hamë götrane qa i angeice hnine la ekalesia, tune la troa hamë zonale me itus, me tro fë micro, me nyidrawa Uma ne Baselaia, me itre xaa ewekë ju kö. Tro la itre qatre thupe a goeëne maine angeice a eatrëne hnyawa la itre hnëqa i angeic, me wangatrune itre ej. Tro angatre a thele thei angeice la itre thiina celë, ene la ketre atr ka kuca asë la hnëqa i angeic, ka traqa ngöne la traem, ka canga kuca la hnëqa hna athipe koi angeic, ka hni ka ipië, ka hetre hni ne ajan, nge ka loi la aqane imelekeu me itre xan. (Fil. 2:20) Hapeu, angeice kö a hamë tulu ka loi ngöne la aqane heetr, me ele ihe? Hapeu, atreine kö angeice troa xome hnyawa la hnëqa hna athipe koi angeic? Nyipi ewekë tro fe angatre a goeëne jëne “la thina ka loi la ite huliwa i angeice memine la thina ka menyike me inamacan.” (Iako. 3:13) Hetre hni ne ajane i angeice kö troa hane ixatua hnine la ekalesia? Angeice kö a hane catre eatrëne la hnëqa hna athipe koi së hnei Iesu, laka troa “inine la nöjei nöj’ asëjëihë” jëne la huliwa ne cainöj?—Mat. 28:19; wange ju La Tour de Garde ne 1 semitrepa 1990, götrane 18-28.
3 Maine pëkö macatre hna amekötine göi troa acile la itre drikona, ngo Tusi Hmitrötre pe a qeje angatre ceitune me “angete kuca aloine la qâ ne la dikona.” Ketre thaa tro jë kö së a treqene matre nyiqaane thöthi jë maine traqa pena kowe la nyipine thöthi matre ië angatre jë, qa ngöne laka, itre ka ijije troa hetre föe me ha kuku. (1 Tim. 3:12, 13) Thaa tro kö la itre trejine cili a kei kowe la “ite aja i thupëtesij,” ngo loi pe e troa loi thiina, me hamë tulu ka loi, me meköti la mekuthetheu xajawai Akötresie me itre atr.—2 Tim. 2:22.
4 Pine laka, ka nyipi ewekë la troa hetre talan, tro fe a wangatrune la aqane ujë me aqane wai mekun. Hapeu, hetre ajane kö la trejine troa atrunyi Akötresie hnene la hni ka ipië, me nyihluene la itre trejine me angeic? Maine eje hi, haawe, tro hë Iehova a amanathithine la itre aqane catre thele angeic, troa kökötre ngöne la götrane la ua e hnine la ekalesia.