Mele Maine Mec!

¹ Kola fe amamane hnene la Tusi Hmitrötre laka, aja i Iehova tro “la nöjei ate asëjëihë a mel.” Ngo, eje hi laka tro angatre a mele elany, e hnei angatre hna ujë koi Iehova Akötresie me Baselaia i Nyidrë, jëne Iesu. Loi e tro angatre a ujë, matre ihmeku memine la “wangate hmekune la nyipici.” (1 Tim. 2:3, 4) Pine laka nyimu hatrene ka anyipicine ka hape, easenyi catre hë matre apaatrene pi la iangazo qaa celë fen, nge kola troa nyihnane eje hnene la fene i Akötresie ka hnyipixe me ka meköt, haawe, hna upi së troa kuca la huliwa ne iamele.—Mat. 24:14; 28:19, 20; Rom. 10:13-15.

² Pine Nemene Matre Nyipi Ewekë Catre La Huliwa Celë? Hnei Iesu hna ithuemacanyine la ketre “aköte atraqate, pëkö hna tune kö qa ngöne la qane la fene hnengödrai.” (Mat. 24:21) Tro ha nyipune lai akötre cili e Amagedo. (Hna ama. 16:16) Nyimutre la itre atr ka troa paatr e thaa kapa kö angatre la maca ka loi, tune la itre sinee së, maine itre ka lapa ezi së, maine itre sine huliwa së, maine itre sine ini së, maine itre hne së hna atre pena. Ngo ame la aja së, ke, ene la troa ketr la “nöjei ate asëjëihë,” tui Akötresie ka amamane la ihnimi Nyidrë kowe la fene asë jëne la Hupuna i Nyidrë, ene Iesu Keriso, hnei Nyidrë hna sipu nue matre nyine thupene mele kowe la nöjei atr. (Ioane 3:16) Nyipi ewekë tro sa catre xatuane la nöjei atr, troa kötre kowe la hnë ne iamele qaathei Akötresie. Maine tro së a xome hnyawa la hnëqa së, ene la huliwa ne cainöj, ke, thaa tro kö a atë la madra ne la itre atr koi së, ke, ase hë së thuemacanyi angatr.—Ezek. 33:1-7; 1 Kor. 9:16.

³ Nemene La Hne Së Hna Ajane Troa Traqa Kow? Hna qaja atrune la enyipi ewekëne la huliwa ne cainöje e hnine la Wesi Ula i Akötresie. Tune la aqane qaja hnei Paulo aposetolo, laka, “kola musinë huni hnene la ihnimi Keriso” matre troa mele thenge la itre jë i Akötresie. (2 Kor. 5:14) Ketre, kolo pala fe a amamane, hnene la zonal, La Tour de Garde lo hnëqa së troa cainöj. Nge kolo pala hi a hamë ixatua hnene la Huliwa Ne Baselaia, göi aqane troa tro fë la maca ka loi. Itre qatre thupe a elemekene la huliwa, me ithuecatre koi së troa hane cainöje fe. Kola hane hë së hnene la itretre cainöj, ene la itre trejine troa hane caasi me angatre ngöne la huliwa ne cainöj. Easë a drenge la itre ithuemacanyi ka nyimutre göi aqane tro fë la maca ka loi, me aqane tro fë la itre zonale me itre xaa itus, me aqane kuca la itre vizit, me itre etid, me aqane troa cainöje ngöne la nöjei ijine ka ijij. Tro asë hi la itre mekune celë a xatua së troa eatrëne la hne së hna ajane troa traqa kow, ene la troa amelene la itre atr.—1 Kor. 9:22, 23; Efe. 1:13.