Kola Sa La Itre Hnyinge i Nyipunie

◼ Pine nemen matre nyipi ewekë tro sa thupën ngöne la easë a cainöj jëne tus?

Ka lolo catr la troa cinyany, matre troa cainöj kowe la itre atr. Ngo qaane lo kola traqa kowe la fen lo itre hnepe jol lo macatre ka ase hë, kola nango xou la itre atr troa fe la itre tus ka thaa xulu kö qaathen la itre atr hnei angatr hna atre. Kola nango cile hnö troa fe la itre tus, pine laka, thatre kö së la ka iupi fë ke, thaa hna hane kö cinyihan la ëj hutrö ne lai tus, nge ketre kola öhne laka, hna cinyihan la hune tus, nge ka cipa ke kösë ka tru la alien. Ame itre xaa atr, tre, thaa fe ju kö angatr, ngo angatr a trije ej. Tune kaa la aqane tro së a hmekën la ewekë cili?

Maine ijij, tre, loi e troa lepe la tus, a memine fe la hune tus. Loi e tro fe a iupi fë la tus kowe lai atr, nge troa amë la ëje i angeic. The tro kö a iupi fë kowe la “Atrekë Hnalapan.” Ketre, loi e tro pala hi a hamën la hune tusi së ngöne la easë a iupi fë la tus. Thaa loi kö e troa cinyihan amaman la hnalapa së, lepe jë la ëje së memin la hune tus ne la Uma Ne Baselaia. The tro kö a iupi fë la itre tus, nge thaa hna amë kö la ëje së ngön. Thaa tro pi kö a hamën la hune tusi ne la Bethela.—Wange ju la Huliwa Ne Baselaia ne Nofeba 1996, ngöne la götran hna hape, Kola Sa La Itre Hnyinge i Nyipunie.

Hetrenyi la itre mekun nyine ixatua memine la ketre tus ka thaa jole kö nyine tulu, e hnine la itus, Tirez profit de l’École du ministère théocratique, götrane 71-3. Itre mekune lai nyine troa xatua së troa cinyihane hnyawa la itre tus, matre troa ketr la itre atr hnene la maca ka loi.