Troa Qeje Nemen Gön La Itre Zonal

La Tour de Garde 1 Okot.

“Nyimutre la itre atr ka thel maine jë troa hetre pun la itre jole asë ka traqa koi së enehila, ene la itre isi, itre ihumuth, me itre xaa aqane iakötrë ju kö ka ngazo catr. Nemen la hnei nyipunieti hna mekun? [Nue pi troa sa.] Kola hamën hnyawa hnei Tusi Hmitrötr la itre mekun nyine troa akeukawanyi së. [E jë la Salamo 37:10, 11.] Kola qejepengöne hnene la zonale celë la kepin matre thaa apaatrene pala kö Akötresie la iangazo, memine la itre ethane ej.”

Réveillez-vous! 8 Okot.

“Kola mama enehila laka, kola kökötr elë la etrun la itre kem maine thin ka thaa faipoipo kö. Kola amaman hnei Tusi Hmitrötr laka, atraqatr la ihnimi ne la Atre Xupi së koi angatr. [E jë la Salamo 146:9.] Kola amaman hnene la zonal, Réveillez-vous ! la aqane tro la itre trepene meköti qa hnine la Tusi Hmitrötr a xatuan lai itre kem maine thin ka mele tune lai, matre tro angatr a atreine hetrun la itre nekö i angatr.”

La Tour de Garde 15 Okot.

“Tune kaa la aqane tro nyipunie a qejepengön kowe la itre nekönatr maine kowe pena la itre xan, la kepin matre nyimutre catr la itre ewekë ka ngazo ka traqa ngöne hnedrai së? [Nue pi troa sa.] Kola sa hnei Tusi Hmitrötr la hnying hna hape, ‘Drei La Qaan La Nöjei Iangazo Asë?’ [E jë la 1 Ioane 5:19.] Troa xatua nyipunie hnene la zonale celë, La Tour de Garde, troa trotrohnin la pengöne lai atre kuca la ngazo, memine la aqane troa cile koi angeic.”

Réveillez-vous! 22 Okot.

“Tune kaa la mekune i epun, tro kö a tingeting la fen qa ngöne laka, hna thithi fë lai hnene la itre hene hmi? [Nue pi troa sa.] Kola thingehnaean hnei Tusi Hmitrötr, la ketre ijin troa lapaan la fen hnene la tingeting. [E jë la Isaia 9:6, 7.] Wangatrehmekune kö nyipunie la ketre joxu ka atrein troa atingetingën la fen asë? Kola amaman hnene la zonal, Réveillez-vous ! la pengön la atre musi cili, memine la aqane tro nyidrëti a axulun la tingeting.”