Troa Qeje Nemen Gön La Itre Zonal

La Tour de Garde 15 Oko.

“Nyimutre la itre atr ka mekune ka hape, pine laka thaa mama hnyawa kö la pengöne la mele së elany, haawe, ma ka loi pe tro sa kuca la itre ewekë ka sisitria thatraqane la mele së enehila. Nemene la mekuna i nyipunie? [Nue pi troa sa.] Hnei Iesu hna qaja la ketre mekune ka lolo catr. [E jë la Mataio 6:34.] Kola qeje pengöne hnene la zonale celë la aqane tro sa hnëkë kowe la itre drai elany, ngo ame mina fe la ketre götran, tre, kola hmekë së wanga tro sa hnehengazone menune pala ha.”

Réveillez-vous! Oko.

“Hetre itre sinee së asë hi ka meci hë. Hapeu, angatre kö a goeë së qa koho hnengödrai? [Nue pi troa sa.] Hanawange la hna qaja hnei Iesu ngöne lo kola meci hnei Lazaro. [E jë la Ioane 11:11.] Kola qeje pengöne hnene la hna cinyihane celë la pengöne la itre ka mec; maine angatr a mele ngöne la ketre götran, maine angatre pena a meköle treqene la troa amele angatre hmaca.” Amamane jë la hna cinyihane ngöne la götrane 28.

La Tour de Garde 1 Nof.

“Tune kaa la mekuna i epun, tro kö a ketre igöhnë ka sisitria la ihnadro e hnene la itre atr hna pane hni ka ipië? [Nue pi troa sa.] Hanawange la hnei Iesu hna qaja göne la thiina cili. [E jë la Mataio 23:12.] Kola ithanatane hnene la hna cinyihane celë la enyipiewekëne la troa ipië ngacama easa mele hnine la fene celë ka iwajahuj.”

Réveillez-vous! Nof.

“Ame ngöne la itre drai ekö, tre, hna majemine hnene la itre atr troa xome la Tusi Hmitrötr matre troa eatrongëne la itre jë i angatr. Ngo ame enehila, tre, nyimutre la ka nango luelue. Tune kaa la mekuna i epun? [Nue pi troa sa. Thupene lai e jë la 2 Timoteo 3:16.] Kola troa amamane hnyawa hnene la zonale celë Réveillez-vous ! laka, qaathei Akötresieti la Tusi Hmitrötr.”