Kola Sa La Itre Hnyinge i Nyipunie

◼ Nemen la itre nyine tro sa hmekëne hnyawa ngöne la easë a cainöj kowe la itre atr hna akalabusin?

Kola e la eitr milio lao hna akalabusin e cailo fene hnengödrai asë, itre xan e angatr a hane amaman la aja i angatr troa drenge la maca ka loi. (1 Tim. 2:4) Kola kapa ngöne la nöjei treu hnene la ketre Bethela la 1 400 lao tus hna cinyanyin hnene la itre atr hna akalabusin, me itre atren la hnepe lapa i angatr, kola sipo itus maine tro pena a hane wai angatr. Maine nyipici laka ala nyimu la ka hetre hni ne ajan thei angatr, ngo ame pe kola mama hnyawa laka itre xane pe hi a pi ithanata memine la itre hlue i Akötresie göne la itre sipu aja angatr. Qa ngöne lai, loi e tro asë hi së a wangatrune cahu itre nyine troa hmekën ngöne la easë a troa cainöj kowe la itre atr hna akalabusin.

Nyimutre la itre atr hna akalabusin hna cainöje kow jëne tus. Thaa tro pi kö la itre trejine föe a cinyanyi kowe la itre atr hna akalabusin, ngacama ame la hna ajan tre kola pi troa hamë ixatua ngöne la götrane la ua. Loi e troa xome hmekuje la hnëqa cili hnene la itre trejin trahmany ka maca ngöne la ua. Maine jë tro pe la itre trejin föe ka maca ngöne la ua a cinyany kowe la itre föe hna akalabusin ka hetre hni ne ajan troa atre la nyipici qa hnine la Tusi Hmitrötr. Thaa tro kö a iupi fë manie maine itre ahnahna pena kowe la itre atr hna akalabusin, ngacama hna sipon hnene la ketre.

Maine hetre ajan la ketre atr hna akalabusin troa drei së, loi e troa hamën la ëj me hnalapa kowe la ekalesia ka huliwane lai götran hna hnen la kalabus. Atre hnyawa kö la itre trejin trahmany ka maca ngöne la ua ngöne la götrane cili, la aqane troa cile kowe la itre nöjei pengöne ejolene lai. Maine thatre kö së la ëjen la ekalesia, loi e troa iupi fë la ithuemacanyi kowe la Bethela.

Ka loi tro la itre trejin hna acil troa iwai e kaes a kuca la itre icasikeu memine la itre hna akalabusin, matre kösë lo kolo hi a acaa etid koi angatr asë. Ngo hetrenyi fe la itre ijin ka ketrepengöne kö ka aijijën la itretre cainöj troa ce memine la itre hna akalabusin, thaa tro kö a hnen hnine la kalabus. Ketre, thaa nyipi loi kö troa iwai menu e kalabus hnene la itretre cainöj, nge thaa loi kö e troa thele troa caas memine la itre hna akalabusin me fedre menu pala ha koi angatr.

Epi tro sa “inamacan tune la ite un, me menyik tune la ite piny” ngöne la easë a hane tro fë la maca ka loi kowe la itre atr hna akalabusin.​—Mat. 10:16.