Kola Sa La Itre Hnyinge i Nyipunie

◼ Ame ngöne la easë a cainöj jëne telefon, loi kö e tro sa qejepengöne la aqane amekötin göi itre ahnahna?

Ame ngöne la easë a cainöje kowe la ketre atr, ijije tro sa qaja koi angeic ka hape, ame la ini hna hamën hnene la Itretre Anyipici Iehova e cailo fen, tre hna sajuëne ej hnene la itre ahnahna hna hamën hnene la hni ka pexej, nge atraqatr la madrine së troa kapa la itre ahnahna cili. Ngo thaa tro kö a hane amexeje la hna amekötine cili göi ahnahna ngöne la kola cainöj jëne telefon, wanga troa mekune menune hnene la itre atr ka hape easë a sipo mani. Ame la huliwa ne la Itretre Anyipici Iehova, tre thaa ketre jëne tro kö a thele mani.​—2 Kor. 2:17.

◼ Ame ngöne la easë a cainöj jëne telefon, nemen la nyine troa kuca maine kola qaja hnene la ketre atr ka hape thaa tro hmaca kö a hë angeic hnene la itre Temoë?

Loi e troa metrötrëne hnyawa la hna ajan hnene lai atr. Makëne ju la ijine kola qaja lai hnene la atr nge cinyihane ju fe la ëje i angeic, nge amë ju hë hnine la trengene teritoar; haawe tro ha atre hnene la itretre cainöj ka hape thaa tro hmaca kö a hë elanyi ngöne lai hnalapa cili. Ame ngöne la macatre, troa acaa wange hmaca la etrun la itre atr asë ka sewe së troa cainöj ngöne la itre hnalapa i angatr. Troa elemekene lai hnene la atre thupëne la huliwa ne cainöj, nge troa nue kowe la itre trejine ka macaj nge ka atreine cainöj troa wange la itre atr cili maine hetre ajane i angatre hmaca ha troa hane vizitë angatr.​—Wange ju la Huliwa Ne Baselaia ne Januare 1994, ngöne la götran hna hape, Kola Sa La Itre Hnyinge i Nyipunie.