Troa Qeje Nemen Gön La Itre Zonal

La Tour de Garde 1 Juun

“Ngazo la aqane thupën la manie hna kuiëne hnene la itre atr matre troa ixatua, matre kola thele hnene la itre xan maine lolo jë pala hi e troa hamë manie kowe la itre organizasio ka ixatua. Eje hi nyimutre catre la itre atr ka aja ixatua. Tune kaa la mekune i epun, nemene la nyine troa kuca? [Nue pi troa sa. Thupene lai e jë la Heberu 13:16.] Kola qejepengöne hnene la zonale celë la aqane ham hna kapa hnei Akötresie.”

Réveillez-vous! 8 Juun

“Kola mama hnyawa enehila laka, pë hmaca kö eloin la thiina me aqane ujë ne la itre atr, a tune lo itre macatre ka ase hë. Hapeu, nyipici kö lai? [Nue pi troa sa.] Hanawange la ewekë ka lolo hna thingehnaeane hë hnei Tusi Hmitrötr. [E jë la 2 Timoteo 3:1-5.] Kola ithanatan hnene la zonale celë, Réveillez-vous ! la kepin matre kola saze la aqane mele ne la itre atr nge kola amamane fe la pengöne la itre drai elany.”

La Tour de Garde 15 Juun

“Kola mekune hnene la itre xaa atr ka hape Iesu la atr ka tru ne la fene hnengödrai asë. Ame itre xan, tre thaa xecie kö koi angatr laka ka hane mele hnei nyidrëti eko. Tune kaa la mekune i epun, ka nyipi ewekë kö la itre hne së hna mejiune göi nyidrë? [Thupene la hna sa, e jë la Ite Huliwa 4:12.] Nemene la itre hatren ka amaman ka hape hnei Iesu hna mele hune ihnadro celë? Kola troa sa la hnying hnene la zonale celë.”

Réveillez-vous! 22 Juun

“Nyimutre la itre atr ka hnehengazo pine la aqane angazon la ihnadro. Hapeue la mekune i epun, ijije kö troa thupën elanyi la itre hnepehnitr matre thaa tro kö a sa menune ju pë hë la itre sinöe? [Nue pi troa sa.] Kola qejepengöne hnene la zonale celë la aqane catre la itre xaa organizasio troa thupën la itre hnepehnitr. Eje mina fe a ithanatan la aqane troa eatr elanyi la ewekë ka mingöming hna thingehnaean hnei Akötresie.” E jë la Isaia 11:9.