Troa Qeje Nemen Gön La Itre Zonal

La Tour de Garde 15 Mei

“Nemene fe la mekuna i epuni ngöne la hnyinge celë? [E jë la hnying ngöne la icetröne la zonal. Thupene lai nue pi troa sa.] Tusi Hmitrötr a hamëne la ketre kepine matre ijije tro sa hane mejiun. [E jë la Mataio 6:9, 10.] Kola qaja hnene la zonale celë la aqane troa aeatrëne hnene la Baselaia i Akötresie lo aja i Iehova e celë fen.”

Réveillez-vous! Mei

“Tune kaa la mekuna i epun, hna ahnithe amë hë la itre huliwa së memine la mele së hnei Akötresie? [Nue pi troa sa.] Thenge la hna qaja hnene la xötre celë, kola nue hnei Akötresie tro la itre atr a iën la aqane tro angatr a melëne la mele i angatr. [E jë la Deuteronomi 30:19.] Kola amamane hnene la hna cinyihane celë la hna qaja hnei Tusi Hmitrötr ngöne lai topike cili.” Fe jë kowe la hna cinyihan ka nyiqaan ngöne la götrane 12.

La Tour de Garde 1 Juun

“Kösë ame ngöne la nöjei drai easë a drenge la itre ithuemacanyi ngöne la itre ewekë ka ngazo hna kuca hnene la itre atr. [Qaja jë la ketre ceitun ngöne la nöj.] Hane kö epuni thele maine hetre ewekë hna thaa öhne kö hnei atr ngo ka ajojezine pe la mele i angeic? [Nue pi troa sa. Thupene lai, e jë la Hna Amamane 12:12.] Kola qeje pengöne hnene la zonale celë la aqane tro sa isa thupëne la mele së.”

Réveillez-vous! Juun

“Eni a pi ajan troa hane atre la mekuna i epuni ngöne la mekune celë. [E jë la 1 Timoteo 6:10.] Tune kaa la itre atr ka mele pe hi koi mani memine la thele mo, hapeu, nyipici kö laka hetre ethane la aqane ujë cili kowe la mele i angatr? [Nue pi troa sa.] Kola qeje pengöne hnene la zonale celë la itre ethane la hna thele troa trene mo me nyinyape thele mani.”