Troa Qeje Nemen Gön La Itre Zonal

La Tour de Garde 1 Febuare

“Hapeue la mekuna i epun, ijije kö troa atre hnyawa la pengö i Akötresie? [Nue pi troa sa.] Hanawange la ketre mekun ka sisitria ngöne la götrane cili.” E jë me ce ithanatane la itre mekun fene la hnying 2 ngöne la götrane 16 memine la ketre xötr hna hamëne hë. Hamëne jë la lue zonal, nge thele jë troa bëeke matre troa ce wange la itre mekun fene la hnying 3.

Réveillez-vous! Febuare

“Pine laka ka hekö hë la Tusi Hmitrötr, ene pe kola mekune hnene la itre xaa atr, laka, thaa ka meköti kö ej ngöne la götrane la sias. Hapeue la mekuna i epun? [Nue pi troa sa.] Kola sesëkötre la itre atr ngöne la angatr a e la xötre celë. [E jë la Isaia 40:22.] Ame ngöne la götrane 22 ne la hna cinyihane celë, kola sa la hnyinge celë, ka hape, Hapeu, ka ihmeku kö la sias me Tusi Hmitrötr?”

La Tour de Garde 1 Maac

“Ka hlemu la Itretre Anyipicine i Iehova hnene la huliwa ne cainöje i angatr. Hapeu, hnei epuni hë hna hane thele la kepin matre eahuni a kuca la huliwa cili? [Nue pi troa sa.] Hanawange la kepine celë. [E jë la Mataio 24:14.] Kola sa hnene la hna cinyihan la itre hnyinge celë: Nemene la maca ka loi cili? Nemene la Baselaia cili? Nge nemene la pune elany?”

Réveillez-vous! Maac

“Ame kowe la itre atr ka isi memine la itre meci angatr, drei la ketre xötr ka ithuecatr. [E jë la Isaia 33:24.] Maine troa eatre elany la xötre celë, hapeue la mekuna i epun, tro ha lolo la mele së elany? [Nue pi troa sa.] Qëmekene tro Akötresieti a eatrëne lai, hetrenyi la itre xaa aqane tro së a thupëne hnyawa enehila la mele me egöcatre së. Kola qeje pengöne hnyawa lai hnene la hna cinyihane celë.”