Troa Qeje Nemen Gön La Itre Zonal

La Tour de Garde 1 Maac

“Kola isazikeu enehila la itre aqane goeë Iesu hnene la itre atr. Tune kaa fe epun, hapeu epuni kö a goeë nyidrë ceitu me hupuna i Akötresie maine ketre atr ka lolo hi?” Nue pi troa sa. Thupene lai, ce e jë epon la itre mekun ka eje fene la ketre hnying hna cinyihane atrun ngöne la götrane 16-17 memine fe la ketre xötr hna hamëne hë. Hamëne jë la itre zonal, nge isa pui jë matre troa bëeke hmaca troa ce ithanatane la mekun ka sa pena la ketre hnying.

Réveillez-vous! Maac

Maine easa cainöj kowe la ketre thöth, amamane jë koi angeic la hna cinyihan ngöne la götrane 26. Wanga atrune jë la pane taan ka tru, nge hnyinge jë koi angeic ka hape, “Hapeue la mekuna i ’ö, ka nyipici maine ka thoi la trenge ewekë celë? [Nue pi troa sa. Thupene lai, e jë la 2 Korinito 7:1.] Kola hamëne hnene la hna cinyihane celë la itre ithuemacany ka ijij göne la ufi sixa, memine fe la aqane troa nuetrije la hna majemine cili.”

La Tour de Garde 1 Eiperem

“Nyimutre la itre atr e cailo fen ka kapa la itre ini ka isapengön göi Iesu. Hapeue la mekuna i epun, ka nyipi ewekë kö la troa atre hnyawa la nyipici göi nyidrë? [Nue pi troa sa. Thupene lai, e jë la Ioane 17:3.] Kola qeje pengöne hnene la hna cinyihane celë la hnei Tusi Hmitrötr hna qaja göi Iesu, ene la qaane i nyidrë, me aqane mele i nyidrë, memine fe la kepin matre meci pi nyidrë.”

Réveillez-vous! Eiperem

“Hapeu epuni kö a kapa la mekune celë, ene laka, ketre ewekë ka akötre catr la kola meci la ketre sinee hne së hna hnim? [Nue pi troa sa.] Nyimutre la itre atr ka xomi ixatua qa ngöne la eamo celë. [E jë la Salamo 55:22.] Kola ithanatane hnene la hna cinyihane celë la itre xaa aqane troa elë hune la akötr ka eje e kuhu hni së, memine fe la aqane tro sa nue koi Akötresie la ehnefe së.”