Troa Qeje Nemen Göne La Itre Zonal

La Tour de Garde 1 Febuare

“Isa hetre hmi së asë hi. Ngo hapeue la mekuna i epun, Akötresieti kö a wanga atrune la aqane hmi së koi Nyidrë? [Nue pi troa sa. Thupene lai, e jë la Mataio 15:9.] Kola ithanatane hnene la hna cinyihane celë la foa lao götran ne la nyipi hmi hna qaja hnei Iesu.” Amamane jë la hna cinyihane ngöne la götrane 16.

Réveillez-vous! Febuare

“Hetrenyi la itre xaa atr ka mejiune, ka hape, hna xupe la itre ewekë, ngo ame itre xan, angatr a thipetrije la ini cili me mekune laka, ka xulu xane itre ej. Nemene fe la mekuna i epun? [Nue pi troa sa.] Thenge la hna qaja hnei Tusi Hmitrötr, hna nyitrepene la nyipi lapaune hnene la itre ewekë hna anyipicin. [E jë la Heberu 11:1.] Kola ithanatane hnene la hna cinyihane celë la itre xaa ewekë ka anyipicine laka, hetre Atre Xupi së.” Amamane jë la hna cinyihane ngöne la götrane 22.

La Tour de Garde 1 Maac

“Hapeu, epuni kö a goeëne la Tusi Hmitrötr ceitu me Wesi Ula i Akötresie, maine pena epuni a mekune laka, ketre itusi ka lolo hi? [Nue pi troa sa.] Hanawange la hna qaja hnei Tusi Hmitrötr göne la pengöne ej. [E jë la 2 Timoteo 3:16, 17.] Kola ithanatane hnene la hna cinyihane celë la aqane tro sa axecië mekun thenge la hne së hna atre, nge eje mina fe a amamane la enyipiewekëne troa ujë tune lai.”

Réveillez-vous! Maac

“Tune la itre atr ka ala nyim, maine jë epuni fe a hane haine la emingömingöne la itre ewekë hna xup. Hapeu, epuni kö a kapa la mekune celë, ene laka thaa hna xupe menune kö la itre ewekë, ngo hna xupe pe cememine la inamacan? [Nue pi troa sa. Thupene lai, e jë la Salamo 104:24.] Kola qaja hnene la hna cinyihane celë la itre ceitune ka lolo göne la itre ewekë hna xup, me ithanatane mina fe la aqane ini së hnene itre ej.”