Troa Qeje Nemen Gön La Itre Zonal

La Tour de Garde 1 Maac

E jë la Esodo 20:15. Thupene lai, hape jë: “Maine nyipici laka kola thele hnene la itre xan troa trongëne la wathebo celë, itre xane pe kö a mekun, ka hape, ijije troa ënö me huliwa thoi ngöne la kola cile kowe la itre jol ka tru. Nemene fe la mekuna i nyipunie? [Nue pi troa sa.] Kola ithanatane hnene la hna cinyihane celë la itre eloine la troa huliwa nyipici.” Amamane jë la hna cinyihane ngöne la götrane 12.

Réveillez-vous! Maac

“Nyimutre la itre atr ka metrötrëne la Tusi Hmitrötr, ngo ka mekun laka pëkö thangane eje koi së enehila ngöne la fen celë. Hapeue la mekuna i nyipunie? [Nue pi troa sa. Thupene lai, e jë la Roma 15:4.] Kola qeje pengöne hnene la hna cinyihane celë la kepin matre ka nyipi ewekë mina fe la itre götrane ne la Tusi Hmitrötr hna cinyihane hë ekö.” Amamane jë la hna cinyihane ngöne la götrane 28.

La Tour de Garde 1 Eiperem

“Ame la kola hnyingëne la atr ka sisitria catr ngöne la mele ne la atr, tre, nyimutre la itre ka qeje Iesu. Hapeu, nyipunieti mina fe a hane meku nyidrë? [Nue pi troa sa.] Hanawange la kepin matre loi e tro sa xome hnyawa la itre nyipi ithuemacanyi qa ngöne la itre mekune ka ifekethe göi Iesu, matre tro sa atre la nyipici. [E jë la Ioane 17:3.] Kola amamane hnene la zonal ka ketrepengön celë, ene la Tour de Garde, la itre ini hna hamëne hnene la Tusi Hmitrötr göi Iesu me göne la itre ini qaathei nyidrë.”

Réveillez-vous! Eiperem

“Kola mama hnyawa laka, thaa tru kö hnei traeme së troa kuca la itre ewekë hne së hna ajane troa kuca. Nyipunieti kö a kapa la mekune celë? [Nue pi troa sa.] Nyimutre la itre atr hna xatuane hnene la eamo celë. [E jë la Filipo 1:10.] Kola hamëne hnene la hna cinyihane celë la itre xaa mekun nyine ixatua, matre tro sa atreine huliwane hnyawa la traeme së.”