Troa Qeje Nemen Gön La Itre Zonal

La Tour de Garde 1 Febuare

“Hapeue la mekuna i nyipunie, Akötresieti kö a drenge la nöjei thithi asë? [Nue pi troa sa.] Hanawange la hnei Iesu hna qaja ngöne la götrane cili. [E jë la Mataio 6:7.] Kola hamëne hnene la hna cinyihane celë ka lolo, la itre mekun qa hnine la Tusi Hmitrötr ka sa la foa lao hnying, göne la thith.” Amamane jë la hna cinyihan ngöne la götrane 16.

Réveillez-vous! Febuare

“Nyimutre la itre atr ka mekun laka, ase hë ahnithe amë la mele i angatr. Hapeue la mekuna i nyipunie? [Nue pi troa sa.] Kola amamane hnene la xötre celë, laka, isa qanyi së kö isa ië aja. [E jë la Deuteronomi 30:19.] Kola qeje pengöne hnene la hna cinyihane celë la itre mekun hna xome qa hnine la Tusi Hmitrötr, göne la ini ene laka hna ahnithe amë hë la mele së.” Amamane jë la hna cinyihan ngöne la götrane 12.

La Tour de Garde 1 Maac

“Hapeue la mekuna i nyipunie, hna ahnithe amë hë la itre ewekë ka traqa ngöne la mele së? [Nue pi troa sa.] Hanawange la hna qaja hnei Tusi Hmitrötr ngöne la götrane cili. [E jë la Ate Cainöj 9:11.] Kola qaja hnene la hna cinyihane celë ka hape, ngacama hnei Akötresie hna ahnithe amë hë laka troa lolo la itre drai elanyi kowe la ihnadro, ngo ame pe hnei Nyidrëti hna nue së isa ala caas, troa iëne la aqane tro sa mel.”

Réveillez-vous! Maac

“Nyimutre la itre atr enehila ka akötr pine laka, angatr a hnehengazon menun pala ha troa pë mani ngöne la itre ijine celë ka jole catr, ke, kola elë la thupene mo. Hapeu, epuni kö a kapa la mekune celë? [Nue pi troa sa.] Hanawange la eamo celë ka lolo catr. [E jë la 1 Timoteo 6:8, 10.] Kola wanga atrune hnene la hna cinyihane celë la itre xaa trepene meköti ne la Tusi Hmitrötr, ka troa xatua së troa huliwane hnyawa la manie së matre tro pala hi a tingetinge la mekune së.”