Troa Qeje Nemen Gön La Itre Zonal

La Tour de Garde 1 Januare

“Hapeue la mekuna i nyipunie, Akötresieti kö a hnehengazo fë la ihnadro hna angazon? [Nue pi troa sa. Thupene lai, e jë la Hna Amamane 11:18.] Kola hamëne hnene la hna cinyihan celë la itre nyipi kepin qa hnin la Tusi Hmitrötr, matre troa goeëne aloine la pengöne la ihnadro elany.” Amamane jë la hna cinyihan ngöne la götrane 18.

Réveillez-vous! Januare

“Ame la kola cile kowe la itre jol, nyimutre la itre atr ka mekun laka, kola nyithupene koi angatr hnei Akötresie. Hapeu, hane kö nyipunieti mekune tune lai? [Nue pi troa sa. Thupene lai, e jë la Iakobo 1:13.] Kola qaja hnyawa hnene la hna cinyihan celë la qaan la itre jole së, memine la itre kepin matre ijije tro sa mejiun ka hape, calemi hë la pun kowe la itre nöjei akötre së.” Amamane jë la hna cinyihan ngöne la götrane 28.

La Tour de Garde 1 Febuare

“Hapeue la mekuna i nyipunie, Akötresieti kö a kapa la nöjei hmi asë? [Nue pi troa sa.] Hanawange la mekun hna qaja hnei Iesu e celë. [E jë la Mataio 15:8, 9.] Kola ithanatane hnene la hna cinyihan celë, maine Akötresieti kö a kapa la nöjei pengöne hmi asë.” Amamane jë la hna cinyihan ngöne la götrane 9.

Réveillez-vous! Febuare

“Nyimutre la itre ewekë ngöne la ihnadro ka amamane laka, hna xupi ej matre tro pala hi a hetrenyi la mel. Hapeue la mekuna i nyipunie, hna traqa xane lai maine nyipunieti pena a mejiun laka, hetre Atre Xupe la ihnadro? [Nue pi troa sa.] Nyimutre la itre atr ka kapa la mekune hna hamëne hnene la xötre celë. [E jë la Salamo 104:24.] Kola amamane hnene la hna cinyihane celë la itre ewekë hna qaja hnene la sias me Tusi Hmitrötr, ka jele nyipicine laka, hetre Atre Xup.”