Troa Qeje Nemen Gön La Itre Zonal

La Tour de Garde 1 Januare

“Tune kaa la mekuna i epun, tro kö a ketre götrane ka lolo catr la ihnadro e tro la nöjei atr a mele thenge la trepene meköti celë qa hnine la Tusi Hmitrötr? [E jë la Roma 12:18. Thupene lai, nue pi troa sa.] Hane kö epuni hnyingëne thel la kepin matre hnei Akötresieti hna upe la itre hlue i Nyidrë troa isi ekö? Kola amamane hnene la hna cinyihane celë la aqane sa lai hnying hnene la Tusi Hmitrötr.” Amamane jë la hna cinyihan ngöne la götrane 13.

Réveillez-vous! Januare

E jë la Ite Huliwa 17:31a. Thupene lai, qaja jë ka hape: “Ala nyimu la itre atr ka xouene la Drai Ne Iameköti. Hapeue fe la mekuna i epun? [Nue pi troa sa.] Kola ini së hnei Tusi Hmitrötr, ka hape, tro la Drai Ne Iameköti a hamë manathithi ka tru kowe la ihnadro. Kola qeje pengöne hnyawa la mekune cili hnene la hna cinyihane celë.” Amamane jë la hna cinyihan ngöne la götrane 10.

La Tour de Garde 1 Febuare

“Nyimutre la itre atr ka mejiun troa elë hnengödrai eë thupene la angatr a mec. Hapeu, eje fe kö thei epuni la mejiune cili? [Nue pi troa sa.] Hanawange la hna qaja hnei Tusi Hmitrötr göne la manathithi hna troa kapa elany hnene la nöjei atr ka thiina ka loi. [E jë la Salamo 37:29.] Kola qeje pengöne hnene la hna cinyihane celë la hnei Tusi Hmitrötr hna qaja göne la itre atr ka troa elë hnengödrai eë, memine la huliwa hnei angatre hna troa kuca.”

Réveillez-vous! Febuare

“Ketre ewekë hna majemine kuca ha enehila la troa sei hna cil. Hapeue la mekuna i epun, kolo kö a thele nyin la nöjei jol asë hnene la itre trefën, qëmekene troa mekune troa sei hna cil? [Nue pi troa sa. Thupene lai, e jë la Ite Edomë 14:15.] Kola amamane hnyawa hnene la hna cinyihane celë la foa lao ewekë nyine tro la itre trefën a wanga atrune ngöne la angatr a mekune troa sei hna cil.”