Troa Qeje Nemen Gön La Itre Zonal

La Tour de Garde 1 Eiperem

“Hetrenyi la itre xaa hna cinyihan ka qaja ka hape, thaa hnei Iesu kö hna meci thenge lo hna qaja hnei Tusi Hmitrötr, ngo ketre atr pe nyidrë ka faipoipo hë nge ka hetre nekönatr. Hapeu, ase kö epuni drenge la trenge ewekë cili? [Nue pi troa sa.] Nyipi ewekë catre tro sa atre la nyipici. [E jë la Ioane 17:3.] Kola hamëne hnene la hna cinyihane celë la faifi lao kepin matre nyipi ewekë tro sa mejiune kowe la hnei Tusi Hmitrötr hna qaja göi Iesu.” Amamane jë la hna cinyihane ngöne la götrane 26.

Réveillez-vous! Eiperem

E jë la Salamo 37:9-11. Thupene lai, hnyinge jë, ka hape: “Tune kaa la aqane goeëne epuni la pengöne la ihnadro elany, maine troa eatre la hna qaja e celë? [Nue pi troa sa.] Kola qaja hnene la hna cinyihane celë la hna perofetane ka lolo celë nge eje mina fe a hamëne la itre kepine matre atraqatre la ngazo ngöne la fene enehila.” Amamane jë la hna cinyihane ngöne la götrane 20.

La Tour de Garde 1 Mei

“Hapeu, hnei epuni hë hna hane isa hnyingëne la kepine matre Akötresieti a nue la akötr? [Nue pi troa sa.] Hanawange la aqane hnyinge ne la ketre atre cinyihane la Tusi Hmitrötr, laka, ketre hnying hna isa qaja hnene la itre atr ka nyimutre. [E jë la Salamo 10:1.] Kola ithanatane hnene la zonale celë la hna qaja hnei Tusi Hmitrötr göne la itre kepine matre Akötresieti a nue la akötr, nge eje mina fe a qaja la aqane tro Nyidrëti a apaatrene lai.”

Réveillez-vous! Mei

“Nyimutre la itre atr ka ajane troa triji sixa, ngo thaa ewekë ka hmaloi kö. Hapeu, hetre sinee i epuni kö ka ajane troa triji sixa? [Nue pi troa sa.] Hetrenyi la itre xaa atr ka öhne la enyipiewekëne la troa thele ixatua thene la itre sinee me itre atrene la hnepe lapa i angatr. [E jë la Ate Cainöj 4:12a.] Kola wanga atrune hnene la hna cinyihane celë la itre xaa mekune nyine xatuane la ketre atr ka thele troa triji sixa.”