Troa Qeje Nemen Gön La Itre Zonal

La Tour de Garde 1 Mei

E jë la Mataio 24:3. Thupene lai, qaja jë, ka hape: “Kola mekune hnene la itre xan laka, ame la hnyinge celë, tre, kola qaja la pun kowe la ihnadro së. Hapeue la mekuna i epun, tro kö la ihnadro së a paatr? [Nue pi troa sa.] Kola mama ngöne la Iesu a sa laka, hetrenyi la ketre ewekë ka troa traqa, thaa ene kö la pune la ihnadro ngo pune la ketre ewekë kö. Kola qeje pengöne hnyawa lai hnene la hna cinyihane ngöne la götrane 16.”

Réveillez-vous! Mei

“Hnene la itre xaa atr hna cainöjëne laka, maine tro sa amadrinë Akötresie, tre, tro hë Nyidrëti a atrenamo së. Ngo maine jë atrei epuni la itre atr ka lolo thiina nge ka puafala pe angatr. Hapeue la mekuna i epun, Akötresieti kö a ajane tro sa trenamo? [Nue pi troa sa. Thupene lai, e jë la Heberu 13:5.] Kola qaja hnene la hna cinyihane celë la aqane amanathithi së hnei Akötresie.” Amamane jë la hna cinyihane ngöne la götrane 12.

La Tour de Garde 1 Juun

“Kola hlemu enehila la itre itusi ka hamë ixatua göi troa hiane la itre nekönatr, göi ihnim me göne la itre sipu mekuna së. Hapeu, hetre ixatua kö hnei epuni hna öhne qa ngöne la hna e la itre itusi cili? [Nue pi troa sa.] Nyimutre la itre atr ka thëthëhmin la qaane la itre eamo ka ijij tro sa mejiune kow. [E jë la 2 Timoteo 3:16.] Kola qaja hnene la hna cinyihane celë la itre kepin matre ijije tro sa mejiune kowe la Tusi Hmitrötr, nge eje mina fe a hamëne la itre xaa pengöne eamo nyine ixatua ka ej e hnine la Tusi Hmitrötr.”

Réveillez-vous! Juun

“Maine jë atrei epun, laka, kolo pala hi a catre ithanatan matre troa sa la hnyinge celë, ene laka, ka meköt maine thaa ka meköti kö troa thi upune. Hapeue la mekuna i epun, ijije kö tro la Tusi Hmitrötr a xatuane la ketre atr troa atreine axecië mekun? [Nue pi troa sa. Thupene lai, e jë la 2 Timoteo 3:16, 17.] Kola amamane hnene la hna cinyihane celë la mekuna ne la Tusi Hmitrötr ngöne la götrane cili.”