Troa Qeje Nemen Gön La Itre Zonal

La Tour de Garde 15 Dis.

“Ame ngöne pune la macatre celë, nyimutre la itre atr ka lapa mekune la ijine mala i Iesu. Hane kö nyipunieti thele troa atre la pengöne la hnepe lapa hnei nyidrëti hna tru ngön? [Nune pi troa sa. Thupene lai, e jë la Luka 2:51, 52.] Kola ithanatan hnene la zonale celë La Tour de Garde la itre ini ka lolo hne së hna kapa qa ngöne la itre hna cinyihan hnine la Tusi Hmitrötr göne la aqane hetru Iesu.”

Réveillez-vous! 22 Dis.

“Easë asë hi a ajan tro la itre nekö së a madrin, nge troa hetre thangane ka loi la mele i angatr. Nemene la hnei nyipunieti hna mekun ngöne la itre ewekë hna ajan hnene la itre nekönatr matre troa cile kowe la itre ejolene la fene enehila, nyipi ewekë kö la ixatua nyine troa hamën? [Nue pi troa sa. Thupene lai e jë la Ite Edomë 22:6.] Kola amamane hnene la zonale celë Réveillez-vous ! la itre ewekë hna ajan hnene la itre nekönatr, memine la aqane tro la itre keme me thin a aejëne itre eje thatraqai nyudren.”

La Tour de Garde 1 Jan.

“Nyimutre la itre atr ka ajan troa tingeting la fene hnengödrai. Tune kaa, tro kö a eatr elanyi la mekune cili? [E jë la Salamo 46:9. Thupene lai nue pi troa sa.] Kola ithanatane lai hnene la zonal La Tour de Garde la aqane troa eatr elany la ewekë cili, memine la kepin matre ijije tro sa mejiune kowe la hna thingehnaean hnei Akötresie göne la ketre fen gaa pë hmaca kö isi ngön.”

Réveillez-vous! 8 Jan.

“Nyimutre la itre atr itre milio la etrun, ka akötre hnene la itre pengöne mec ka ajolën la mel, tune la itre meci ne he me meci ne hni. Kola thupëne hnyawa hnene la Atre Ixup la itre atr cili ka akötr. [E jë la Salamo 34:18.] Kola ithanatan hnene la zonale cili la aqane troa xatuane lai itre ka akötr. Eje mina fe a amamane la hna thingehnaean hnei Tusi Hmitrötr, ene laka troa apaatrene asë elanyi lai itre pengöne meci cili.”