Troa Qeje Nemen Gön La Itre Zonal
La Tour de Garde 1 Dis.
“Ame ngöne la hneijine së enehila, tru catr la itre ejolen göi mani thene la itre atr ka nyimutre. Itre jole lai ka traqa fe kowe la itre hmi, matre kola mama catr enehila la sipo manie ne la itre hmi. Hapeu, nyine hnehengazone lai? [Nue pi troa sa. Thupene lai, e jë la 1 Thesalonika 2:9.] Kola pane edromën hnene la zonal, La Tour de Garde la hna qaja hnei Tusi Hmitrötr göne la ewekë celë.”
Réveillez-vous! 8 Dis.
“Pine laka, kola xouen la itre terroriste hnene la itre atr, haawe, kola isa hnying hnei angatr, maine jë thaa loi hmaca kö e troa ti avio. Tune kaa fe la mekune i epun? [Nue pi troa sa.] Kola qaja hnyawa hnei Tusi Hmitrötr laka, thatreine kö troa thaa hane ketr la ketre atr hnene la ketre hulö. [E jë la Ate Cainöj 9:11.] Ngo kola amaman hnyawa hnene la Réveillez-vous ! celë, la aqane tro së a hmekën matre troa lapa xetietë nge thaa tro kö a xou ngöne la epuni a ti avio.”
La Tour de Garde 15 Dis.
“Ame ngöne la pune la macatre celë, nyimutre la itre atr ka mekune lo ijine mala i Iesu. Hapeu, atre fe hi epuni laka, hetrenyi la itre ini ka nyipi lolo nyine tro sa kapa qa hnine la itre hna qaja hnei Tusi Hmitrötr, göne la ijine mala i Iesu? [Nue pi troa sa. Thupene lai, fe jë kowe la götrane 5, nge e jë la 2 Timoteo 3:16.] Kola ithanatane la itre xaa ini cili hnine la zonale celë, La Tour de Garde.”
Réveillez-vous 22 Dis.
“Tune kaa la mekune i epun, nyipi ewekë kö kowe la itre keme me thin troa hmekëne hnyawa enehila la itre elo ka amamai isi, wanga troa hetre thangane ka ngazo kowe la itre nekö i angatr? [Nue pi troa sa.] Nyimutre la itre keme me thin ka xome la itre xötre ne la Tusi Hmitrötr, matre troa xomiujin la itre hnei angatr hna troa axeciën. [E jë la Salamo 11:5.] Kola xatuan la itre hnepe lapa hnene la Réveillez-vous ! celë, troa thupëne hnyawa la itre ethan la itre elo jëne video, wanga troa thixötr la itre nekö i angatr.”