Troa Qeje Nemen Gön La Itre Zonal

La Tour de Garde 15 Dis.

“Ame ngöne la hneijine Noel, nyimutre la itre atr ka thele troa amamane la hni ka menyik memine la utipin. Hapeue la mekune i nyipunie, maine hnene ju la itre atr hna utipin ngöne la macatre ka pexej, tro kö a ketre göhnë ka sisitria catr la fen? [Nue pi troa sa. Thupene lai e jë la 1 Peteru 3:8.] Kola qeje pengöne hnene la zonale celë la enyipiewekëne la troa utipine la itre xan, nge kola hamëne mina fe la itre xaa aqane tro sa amamane hnyawa la thiina cili.”

Réveillez-vous! Dis.

“Hapeue la mekuna i epun, tro hmaca kö a mele elanyi la itre hne së hna hnime ka meci hë? [Nue pi troa sa.] Kola qaja hnei Tusi Hmitrötr laka hetre jëne troa lö pi qa ngöne la mec. [E jë la Salamo 68:20.] Kola amamane hnene la zonale celë la kepine matre thaa tro pi kö sa xouene la mec me mekune ka hape, meci hi la ka nyipune epine palua la mel.”

La Tour de Garde 1 Jan.

“Nyimutre la itre atr ka thithi matre troa traqa la Baselaia i Akötresie. Hanawange la thithi hnei Iesu hamëne kowe la itretre drei nyidrë nyine tulu ne ini koi angatr. [E jë la Mataio 6:9, 10.] Hnei nyipunieti kö hna hane isa thel la pengöne la Baselaia memine la ijine tro ej a traqa? [Nue pi troa sa.] Kola amamane hnene la zonale celë la hna qaja hnei Tusi Hmitrötr.”

Réveillez-vous! Jan.

“Kola mama ngöne la mele ne la atr laka, hna akötrëne la itre föe pine la pengö i angatr. Pine nemene la kola akötrë angatr? [Nue pi troa sa.] Hane la aqane inine i Tusi Hmitrötr la itre trahmanyi ngöne la aqane tro angatr a ujë kowe la itre föi angatr. [E jë la 1 Peteru 3:7.] Kola amamane hnene la zonale celë la itre mekune qa hnine la Tusi Hmitrötr, ene la aqane goeëne Akötresieti me Keriso la itre föe.”