Troa Qeje Nemen Gön La Itre Zonal

La Tour de Garde 15 Dis.

“Nyimutre la itre atr ka hnehengazon la aqane thele maniën enehila la itre hneijin ne mano. Tune kaa, thaa kolo hmaca kö a kuca lo itre hna majemine kuca la itre ijine mano? [Nue pi troa sa.] Kola amamane hnene la zonale celë la aqane saze la itre hna majemin göi mano. Kolo fe a ithanatane la aqane tro sa atrunyi Akötresieti hnyawa me Keriso.” E jë la Ioane 17⁠:⁠3.

Réveillez-vous! 22 Dis.

“Fifitre faifi hë lao macatre enehila thupene lo hna pane tithe la itre atr hnene la ketre meci ka solesol. Matre ngöne 24 lao wiik, tru catre hnei ka meci hnene la meci cili, hune lo itre ka meci hnei Sida ngöne la 24 lao macatre. Kola hëne la meci cili hnei itre xan, ka hape, ketre hulö ka tru ngöne la mele ne la atr. Hane kö epuni drei mejen lo girip ne Sepania? [Nue pi troa sa.] Kola ithanatan hnene la zonale celë maine ijije hi troa fetra hmaca lai meci cili. Eje fe a hamëne la kepin matre hetre mejiune koi së.” E jë la Isaia 33⁠:⁠24.

La Tour de Garde 1 Jan.

“Atreine hi troa kuca hnene la itre atr la loi, ngo kolo jë hi ka hape kuca jë angatr la itre ewekë ka sisi catr. Hane kö nyipunieti thele la kepin? [Nue pi troa sa.] Kola sa hnei Tusi Hmitrötr jëne la zonale celë. Kolo mina fe a qaja la aqane troa hune elanyi la loi qa ngöne la ngazo.” E jë la Roma 16⁠:⁠20.

Réveillez-vous! Jan.

“Hane kö nyipunieti hnyingëne thele la pengöne la fen elanyi thupene la 20 maine 30 lao macatre? [Nue pi troa sa. Thupene lai, e jë la Salamo 119⁠:105.] Kola thinane hnei Tusi Hmitrötr la gojeny, ene pe easë a canga atrehmekune la itre ewekë ka troa traqa elany. Kola ithanatan hnene la zonale celë la itre hna perofetan ka amamane la hneijine hne së hna melën, memine la kepin matre easë a treqene la itre drai ka lolo elany.”