Hetre Aliene Koi Së La Kola Nyinyap Troa Isi La Itre Sooc Ka Ti Hoos
1, 2. Tune kaa la aqane hane eatrën enehila hnene la itre hlue i Akötresie la hna perofetan ngöne Hna ama. 9:13-19?
1 “Hna ufe la trutru hnene la angela hna hnaacangemenën.” Kola xötrethenge lai “ite ishi itete ti hose” hnene la “lue miriade la o miriad” nge tune ulili ne hedreng la mejene tronge i angatr. Thaa ketre trongene isi kö ka tune lo itre hne së hna majemine öhn. “Ame la he ne la nöjei hose, te, kösë ite he ne la ite liona.” Eë, me haji me teio kola xulu qa ngöne la itre qe i nyudren, nge kösë “ite une la ite pune i angat.” Kola nyihatren hnene la itre isi itretre ti hoos ka jöeë, la itre ewekë ka ngazo ka troa traqa. (Hna ama. 9:13-19) Atre fe hi nyipunieti la aqane tro nyipunieti a hane eatrën lai hna perofetane cili?
2 Kola caasi hnene la thelene la itre hna iën memine la itre sine huliwa i angatr, troa qaja amamane la itre iameköti i Iehova. Ene pe mama hnyawa pi hi laka meci hnyawa ngöne la götrane la ua lo itre hmi ka uun ka hape itre Keresiano angatr. Loi e tro sa pane ce wange la lue götran ne la hna perofetan, ka amamane hnyawa la kepine matre kola hetre thangane ka loi la huliwa ne cainöj ne la itre hlue i Akötresie.
3. Nemene la ini hnei epuni hna kapa matre troa ithanatane hnyawa la maca i Akötresie?
3 Hna Inin Me Nyi Jiane Huliwa Matre Troa Qaja La Maca i Akötresie: Jëne la Ini Ne Cainöj Qaathei Akötresie memine la itre xaa icasikeu ne la ekalesia, hna inine la itre hlue i Akötresie troa tro fë la maca i Akötresie kowe la itre mus. Angatr a xötrethenge la tulu i Iesu memine la itretre drei nyidrë, ene la troa thele la itre atr ka hni ka menyik, me cainöj ngöne la itre götrane gaa hetre atr. (Mat. 10:11; Mar. 1:16; Luka 4:15; Ite hu. 20:18-20) Drei la ketre tulu ne cainöj hna nyitrepene hnene la Tusi Hmitrötr ka hetre thangane catr!
4. Nemene la itre jiane huliwa hna xome hnene la itretre cainöj, ka aijijë angatr troa kuca hnyawa la huliwa i angatr?
4 Hna thawa hnene la itre Keresiano ngöne la angatr a cainöje trootro, la itre Tusi Hmitrötr, me itus me zonal, itre milio la etrun. Hna kuca la itre itusi cili ngöne la 400 lao qene hlapa, nge kola ithanatan la nöjei pengöne topik nge thatraqane la nöjei pengöne atr. Hapeu, nyipunieti kö a hane xome hnyawa la itre itusi cili?
5, 6. Nemene la ka amamane ka hape ame la ixatua hna kapa hnene la itre hlue i Akötresieti tre ka xulu qaa hnengödrai?
5 Musi Me Ixatua Qaa Hnengödrai: Kola mama hnyawa fe jëne la hna perofetan ka hape, qaathei Akötresieti la ixatua ngöne lo huliwa hna nyihatren hnene la itre isi i itretre ti hoos. (Hna ama. 9:13-15) Ame la kola haöthe la fen hnene la huliwa ne cainöj, tre thaa hnene kö la inamacane me trenge catre ne la atr, ngo hnene pe la uati hmitrötre i Akötresie. (Zak. 4:6) Iehova a upe la itre angela matre troa elemekene la huliwa cili. (Hna ama. 14:6) Qa ngöne lai, jëne la trenge catr hna kuca fe hnene la itretre Anyipici Nyidrë, Iehova a hamëne la ixatua qaa hnengödrai matre troa thapa koi Nyidrë la itre atr ka hni ka menyik.—Ioane 6:45, 65.
6 Qa ngöne laka hna ini angatre hnyawa, me nyi jiane huliwa i angatr matre troa tro fë la maca i Akötresie, me huliwa fene la musi ne la itre angela, haawe, pëkö ka atreine troa sawa la itre hlue i Iehova. Loi e tro pala hi së a catre troa isa kuca la hne së hna atrein matre troa hane eatrëne lo hna perofetan nyine hain.