Iehova a Xatuane La Itre Ka Mejiune Koi Nyidrë
1 Nyimutre la itre atr ka mekune ka hape troa lolo catre la mel, e troa tru hnei manie së, me cilëne pena la ketre mus, maine hetrenyi së la atreine memine la inamacane i atr. (Sal. 12:4; 33:16, 17; 49:6) Ngo, ame koi itretre xoue Iehova, nge ka mejiune koi Nyidrë, tre xecie e kuhu hni angatr laka “nyidëti la ate xatua angate me pete i angat.” (Sal. 115:11) Loi e tro sa ce wange la lue götrane ka aijijë së troa amamane la mejiune së koi Iehova.
2 Troa Ujë Tune La Itretre Cainöje Keresiano: Maine hetre hnëqa së ju hë ngöne la troa hamë ini hnine la ekalesia, maine troa hamë ini pena ngöne la huliwa ne cainöje trootro, nyipi ewekë pala hi tro sa qale kowe la Akötresi së. Ce wange jë së la tulu hna amë hnei Iesu. Ngacama nyidrë la Hupuna i Akötresie, ngo thaa hnei nyidrëti kö hna mejiune kowe la sipu inamacane i nyidrë maine kowe la atreine i nyidrë, ngo pexeje pe la aqane qale nyidrë kowe la Tretretro i nyidrë e koho hnengödrai. (Ioane 12:49; 14:10) Drei la enyipiewekëne fe koi së troa ujë tune lai! (Ite edomë 3:5-7) Hnene hmekuje hi la ixatua qaathei Iehova matre ijije tro la trenge catre hne së hna kuca a atrunyi Nyidrë me öhnyi thangane ka loi hnei itre xan, ngacama hna tuluthe hi la hne së hna atreine kuca.—Sal. 127:1, 2.
3 Easë a amamane la mejiune së koi Iehova, ngöne la easa thithi matre tro Nyidrëti a eatrongë së, me sipo ixatua jëne la uati hmitrötre i Nyidrë. (Sal. 105:4; Luka 11:13) Ketre, easë fe a amamane la mejiune së koi Akötresie, ngöne la easë a nyitrepene la ini hne së hna hamën hune la Wesi Ula i Nyidrë, ene la Tusi Hmitrötr. Pine laka hetre mene ne la itre ithuemacany e hnine la Tusi Hmitrötr, haawe, atreine hi tro itre eje a ketr la hni ne la itre atr me saze la mele i angatr. (Heb. 4:12) Maine easë la “kete ate a nyi hlu . . . tune la ateine hnei Akötesie hna hamën, haawe, kolo lai a atrunyi Iehova.”—1 Pet. 4:11.
4 Troa Isenyine La Itre Jol: Nyipi ewekë fe koi së troa thele ixatua thei Iehova ngöne la easa cile kowe la itre itupath, me itre jol. (Sal. 46:1) Hanawange la ketre ceitun, kola luelue la ketre maseta troa kapa la sipo i epun troa mano göi asabele, maine epuni pena a qëmeke kowe la ketre jole ka tru hnine la fami epun. Easa amamane la mejiune së koi Iehova ngöne la easa catre thithi koi Nyidrë me trongëne la itre hnei Nyidrë hna amekötine hnine la Wesi Ula i Nyidrë me jëne la organizasio i Nyidrë. (Sal. 62:8; 119:143, 173) E troa ujë tune lai, tre, troa melëne hnene la itre hlue i Iehova la ixatua hna hamëne hnei Nyidrë thatraqane la mele i angatr.—Sal. 37:5; 118:13, 16.
5 Iehova a ketre sipu ithuecatre koi së ka hape: “Manathithi la ate ate lapaune koi Iehova, nge kola xomi Iehova nyine lapaune kow.” (Iere. 17:7) Epi tro sa amamane la mejiune së koi Nyidrë ngöne la nöjei ewekë hne së hna kuca!—Sal. 146:5.