Troa Qeje Nemen Gön La Itre Zonal

La Tour de Garde 15 Julai

“Maine kola traqa la ketre ewekë tune [la hna amamane ngöne la icetrön] la hna cinyihane ngöne la itre nuvel enehila, nyimutre la itre atr ka troa luelue. Hapeue la mekuna i epun? [Nue pi troa sa. Thupene lai, e jë la Mareko 4:​39.] Nemene la ka amamane hnyawa ka hape ame la itre iamamanyikeu hna kuca hnei Iesu, tre thaa trenga thoi kö? Tro la zonale celë La Tour de Garde a qejepengöne hnyawa la mekune cili.”

Réveillez-vous! 22 Julai

“Ame ngöne la hnedrai enehila, kolo pala hi a thele hnene la itre atr ka thiina ka ngazo, troa iaöne lo itre atr ka thaa hmeke kö. Hapeu, hane kö ketri epuni hnene la mekune celë? [Nue pi troa sa.] Kola ithanatane hnene la zonale celë, ene la Réveillez-vous ! la itre xaa ewekë nyine thupën matre xatua së troa ananyine la itre aqane iaö cili.” E jë la Ite Edomë 22⁠:⁠3.

La Tour de Garde 1 Ogas

“Ame la kola goeëne la aqane kaqa me gomegome ne la fene celë, tre, itre xan a mekune laka caasi hi la jëne troa traqa fë la tingetinge e cailo fen, ene laka jëne hi la ketre mus ka cile hut. Hapeue la mekuna i epun, ijije kö troa eatr la ewekë cili? [Nue pi troa sa. Thupene lai, e jë la Daniela 2:​44.] Kola qejepengöne hnene la zonale celë la hna kuca hnene la Baselaia i Akötresie enehila, memine la aqane tro eje elany a traqa fë la tingetinge e cailo fen.”

Réveillez-vous! 8 Ogas

“Easë asë a hacene la easa drenge la kola akötrëne me qanangazone la itre nekönatr. Maine jë epuni a isa thele ka hape, ‘Hapeu, Akötresieti kö a hane kukehnine lai?’ [Nue pi troa sa. E jë la Salamo 72⁠:​12-​14.] Kola ithanatane hnene la hna cinyihane celë la aliene la hni Akötresie göne la itre nekönatr, memine fe la aqane tro Nyidrëti elanyi a traqa fë la inuamacanyi ka pë pun kowe la nöjei atr hna qanangazon me akötrën.”