Ka Hnëkë Kö Epuni Kowe La Itre Ewekë Ka Ngazo?
1. Pine nemen matre nyipi ewekë catr tro sa hnëkë kowe la itre ewekë ka ngazo ka traqa koi së?
1 Ame ngöne la nöjei macatre, itre milio la etrune la itre atr e cailo fen hna ketr hnene la itre sa, me itre gejë madra, me itre manie ka tru, me itre wene, me itre udreli, me itre di ka tru. Hna e mina fe e hnine la itre atr cili la itre trejine trahmanyi me föe. Pine laka atreine hi troa hetre ethane koi së me asesëkötrë së hnene la itre ewekë ka ngazo cili, haawe, maine ka inamacane së, tre, loi e tro sa hnëkë.—Ite edomë 21:5.
2. Pine nemene matre loi e tro sa thuemacane la itre qatre thup la itre hnalapa me itre numero ne telefone së?
2 Troa Canga Hmekën: Ame ngöne la itre xaa ijin, atreine hi troa canga thuemacanyi së hnene la itre mus, matre troa hmekëne la itre ewekë ka tru ka troa traqa. Nyipi ewekë troa wanga atrune hnyawa la itre ithuemacanyi cili. (Ite edomë 22:3) Ame ngöne la itre ijine cili, tro la itre qatre thup a thele troa hëne asë la itre trejine la ekalesia, matre troa xatua angatr troa wange la itre nyine troa kuca. Thupene la hna enyi maine di pena, loi e tro la itre qatre thup a thele troa hëne asë la itre atrene la ekalesia, matre troa atre la pengö i angatr me atrehmekune la ixatua ka ijije nyine troa hamën. Troa aluuzi traem, e thaa hnene kö la itre qatre thup hna thele ithuemacany. Ka loi e troa thuemacane hnene la itretre cainöj la seketere memine la atre xomiujine la ini tus, la itre hnalapa me itre numero ne telefone i angatr.
3. Nemene la aqane tro sa ce huliwa memine la itre qatre thup maine easa mele ngöne la ketre götran gaa di maine gaa wene lapaa, maine ketre ewekë ka ngazo pena?
3 Maine hna hnen la ekalesia ngöne la ketre götran gaa ngazo qa ngöne laka jë i wene maine ketre ewekë ka ngazo pena, maine jë tro la itre qatre thup a sipone kowe la itretre cainöj troa hamëne la ëje me numero ne telefone ne la ketre sinee maine enehmu ka thaa mele kö ngöne lai götrane gaa ngazo; göne hi matre troa hë angatre elanyi traqa ju la ketre ewekë ka ngazo. Kola aijijëne mina fe la itre qatre thup troa atre la itre hna kötre fë hë. Maine jë tro fe la itre qatre thup a eköth la ketre tulu ne huliwa thatraqane la ekalesia; troa cinyihane wengëne la itre ewekë nyine troa kuca elanyi, e traqa ju la itre ijine ngazo, itre hna hnëkëne göi troa kötr memine la aqane troa hmekëne matre troa xatuane la itre ka wezipo. Nyipi ewekë troa ce huliwa matre troa aejëne la itre hna amekötine celë hna nyitrepene hnene la ihnim.—Heb. 13:17.
4. Nemene la nyine tro sa kuca maine kola ketr la götran hne së hna mele ngöne hnene la ketre ewekë ka ngazo?
4 Thupene La Ketre Ewekë Ka Ngazo: Nemene la nyine troa kuca maine kola ketr la götrane së hnene la ketre wene maine ketre ewekë ka ngazo pena? Loi e troa xecie koi së laka, hetrenyi la fami së la itre ka nyipi ewekë thatraqane la mele së. Maine ijij, tre, xatuane jë fe la itre xaa atr ka eatr maine ka aja ixatua. Thele jë troa canga hëne la atre thupëne la ini tusi epun, maine ketre qatre thupe pena. Nge ngacama thaa ka eatre kö nge thaa aja ixatua kö së, ngo loi e troa hë. Maine epuni a aja ixatua, loi e troa xecie hnyawa koi epuni laka, kola catre thele hnene la itre trejine me epuni troa xatua epun. (1 Kor. 13:4, 7) Thaa tro kö a thëthëhmine laka atrehmekune hnyawa hi Iehova la ewekë ka traqa koi epun; mejiune jë koi Nyidrë nge tro kö Nyidrëti a xatua nyipunie. (Sal. 37:39; 62:8) Loi e canga wanga atrehmekune pala hi së la itre ijine troa hamë ixatua me keukawa kowe la itre xan ngöne la götrane la ua. (2 Kor. 1:3, 4) Loi e troa canga amexeje hmaca lai itre hna majemine kuca ngöne la huliwa i Akötresie.—Mat. 6:33.
5. Tune kaa la aqane ketri së itre Keresiano hnene la itre ewekë ka ngazo?
5 Ngacama atraqatr la xou e cailo fen pine la itre ewekë ka ngazo ka ketr la itre atr, ngo ame pe atreine hi tro sa goeëne la itre drai elany cememine la mejiune ka catr. Easenyi hë matre apaatrene pi la nöjei ewekë ka ngazo asë ka akötrëne la itre atr. (Hna ama. 21:4) Ngo ame petre kö enehila, tre, loi e tro sa xome cememine la inamacane la itre aqane troa hnëkë thatraqane la itre drai ka ngazo memine la itre jol, me catre tro fë pala hi la maca ka loi kowe la itre xaa atr.