Nemene La Hnei Epuni Hna Troa Kuca Elanyi Ngöne La Mele i Epun?
1 Hne së hna lapaa hnyinge kowe la itre nekönatr ka hape, “Nemene la hnei eö hna mekune troa kuca elanyi ngöne la eö a tru?” Ame ngöne lo nekönatre trahmanyi petre kö epun, tre, hapeu, ame la aja i epuni tre troa xomi kamio? Maine troa tha mani pena? Maine troa qatre thup ka thupën la sirkoskripsio? Nge maine neköjajinyi eö, hapeu, ka ajane eö ekö troa fia? Maine troa ithanata ngöne televizio? Maine troa mesinare? Enehila tru hë epun, loi e tro epuni a sa la ketre hnying, hna hape, ‘Nemene la nyine tro ni a kuca elanyi ngöne la meleng?’ Hapeu, ijiji hë tro epuni a hane axecië mekun?
2 Hetrenyi la ketre ewekë ka troa xatua epuni troa xome la ketre mekune ka lolo catr; ame la ixatua cili, tre, ene la DVD hna kuca hnene la organizasio i Iehova, hna hape, Les jeunes s’interrogent... Que vais-je faire de ma vie ? Pane goeëne ju me drei hnangenyëne asë la itre alien, tune la daram, me itre ithanata, memine lo itre xaa mekun. Ame la itre alien, tre itre ej ngöne la itre mekune hna eköhagen hna hape, “Menu principal.”
3 Drame (Daram): Ame ngöne la epuni a goeëne la daram, pane wanga atrune ju la itre hnyinge celë ka hape: (1) Nemene la itre ewekë ka ceitun hna öhne thei Timoteo lo hna qaja ngöne la Itre Hna Cinyihan Qene Heleni, me Anederea? (Ite hu. 16:1; 1 Tim. 4:8; 2 Tim. 1:5) (2) Tune kaa la aqane uku Anederea troa kökötre lolo ngöne la itre elo, nge drei la ka iuku? (3) Drei la ka xatua Timoteo me Anederea troa axeciëne hnyawa la itre mekun, nge hna tune kaa? (2 Tim. 1:1-4; 3:14, 15) (4) Tune kaa la aqane ketri Anederea hnene la ihaji hna hamën ngöne Mataio 6:24 me Filipi 3:8, nge nemene la aqane troa ketri epuni hnene la ihaji cili?
4 Chapitres (Itre Elo Götrane Ne La Daram Hna Iën): Thupene la hna goeën asë la daram, goeëne hmaca ju la itre götrane celë, me sa la itre hnying. “Paul et Timothée” (Paulo Me Timoteo): Nemene la ihaji tixenuë i Paulo koi Timoteo? (2 Tim. 4:5) “Donner à Jéhovah le meilleur” (Troa Hamën La Ka Sisitria Ngöne La Mele Së Koi Iehova): Nemene la itre pengöne aja ngöne la götrane la ua ka eje thei epun? “Prise de position pour Jéhovah” (Troa Cilë Göli Iehova): Troa xulu qaa kaa la nyipi manathith? “Le conseil d’une grand-mère” (Eamo Ne La Qaaqa Hmunë): Nemene la engazone la troa pi mama ngöne la fene i Satana? (Mat. 4:9) “Aucun regret” (Pëkö Akötre Ngön): Nemene la ewekë hnei epuni hna öhne ka troa xatua epuni troa tro loi hnyawa la mele i epun?—Ite edomë 10:22.
5 Interviews (Itre Ithanata): Ame ngöne la epuni a goeëne cahu nöjei götran, nemene la hnei epuni hna öhn ka ijije troa kuca matre troa hamëne koi Iehova la ewekë ka sisitria ngöne la mele i epun? (1) “Se consacrer à des choses vaines ou servir Dieu ?” (Troa Nue La Mele i Epun Kowe La Itre Aja Ka Gufa Maine Koi Akötresie) (1 Ioane 2:17) (2) “Apprendre à aimer la prédication” (Troa Ini Matre Troa Madrin Troa Xome La Huliwa Ne Cainöj) (Sal. 27:14); me (3) “Une porte ouverte sur l’activité” (Ketre Qëhnelö Ka Fe Gojenyi Kowe La Huliwa Ne Cainöj).—Mat. 6:33.
6 Souvenirs (Troa Mekune Hmaca): Hane kö epuni thele ka hape? (1) Nemene la itre huliwa hna thele hnene la itre trejine trahmanyi me föe, nge pine nemen? (2) Nemene la itre manathithi hnei angatre hna kapa? (3) Nemene la itre ewekë ka saze ngöne la mele së isa ala caas? (2 Kor. 5:15) (4) Nemene la itre huliwa ngöne la ua ka nyihnane lo itre huliwa i angatre ekö, nge pine nemene matre angatr a mekune laka thatreine kö troa ce xome lue ej? (5) Hapeu angatre kö a hace pine la hnei angatr hna saze la ewekë hnei angatr hna mekune troa kuca ngöne la mele i angatr? (6) Nemene la hnei angatr hna qaja ka hamë mekune koi epuni ngöne la nyine tro epuni a kuca ngöne la mele i epun?
7 Autres interviews (Itre Xaa Ithanata): Ame ngöne la itre ithanata celë, nemene la hnei epuni hna inin ka troa aijijë epuni troa kuca asë la hnei epuni hna atrein ngöne la huliwa i Iehova? (1) “La valeur de l’étude individuelle” (La Enyipiewekëne La Troa Sipu Inin La Tusi Hmitrötr), (2) “D’autres façons de prêcher” (Troa Iën La Aqane Troa Cainöj), (3) “Le service au Béthel” (Huliwa Hnine La Bethela), (4) “Guiléad : la formation au service missionaire” (Ini Ne Gileada Thatraqai Itre Mesinare), me (5) “L’École de formation ministérielle” (Ini Thatraqane La Cainöj). Wange ju la “Index de publications traitant des sujets abordés” göi itre itus ka qeje pengöne la itre mekune celë; nge e hnyawa jë la itre topik hnei epuni hna pi ajan.
8 Haawe, ase jë hë epuni axeciëne la nyine tro epuni a kuca elanyi ngöne la mele i epun? Hnei Paulo hna ithuecatre koi Timoteo ka hape: “Mekune ju eö la nöjei ewekë celë; majemine jë eö kow’ it’ ej: mate mamapi la tropane la huliwa i ’ö kowe la nöjei ate asë.” (1 Tim. 4:15) Eahuni a ithuecatre mina fe koi epun troa kuca thenge la hnei epuni hna öhne me dreng ngöne la DVD celë. Sipo Iehova jë troa xatua epuni troa inamacane ngöne la hnei epuni hna troa iën; celë hi ka troa ithue madrine i epuni lai ngöne la mele i epuni enehila, me elanyi ngöne la kola troa nyithupene koi epuni me amanathithi epun.
[Hna eköhagen götran 6]
MENU PRINCIPAL
Drame
Chapitres (11 hna iën)
Interviews
Démarrer
Sections (3 hna iën)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran
Malentendants
Aucun
Maine kola ajan troa saze hna goe ngöne la DVD, troa xome la itre hna hape Suite ▶,◀ Retour, me Menu principal.