Troa Qeje Nemen Gön La Itre Zonal

La Tour de Garde 15 Eip.

“Thaa xouene hmaca kö la itre atr troa iakötrë tune enehila. [qaja jë la ketre ewekë hna kuca ka ngazo ngöne la nöj, maine hna hamëne pena hnine la ketre zonal.] Hane kö epuni thele la kepine matre kola ngazo catre menu pala ha la aqane iakötrë la itre atr? [Nue pi troa sa.] Hna ahnithe hnei Tusi Hmitrötr laka troa elë la iakötrë. [E jë la 2 Timoteo 3:1-5.] Kola sa hnene la zonale celë la hnying hna hape, ‘Tro kö a paatre elanyi la iakötrë?’ ”

Réveillez-vous! Eip.

“Nyimutre la itre atr ka qaja ka hape itre Keresiano angatr. Tune kaa, nemene la aliene la hna hape troa ketre Keresiano? [Nue pi troa sa.] Hanawange la hnei Iesu hna qaja e celë. [E jë la Ioane 15:14.] Kola amamane hnene la hna cinyihane celë laka, thaa ene hmekuje kö la troa qaja ka hape, ketre Keresiano së, ngo loi e troa amamane hnene la aqane mele së.” Wange ju la hna cinyihane ngöne la götrane 26.

La Tour de Garde 1 Mei

“Ka akötre catre nge thaa ka canga paatre kö la hace ka eje thene la keme me thin ngöne la kola meci la nekö i nyidro. Tune kaa, tro nyidroti a thele ekaa la ixatua matre troa akeukawane la itre hni nyidro? [Nue pi troa sa. Thupene lai, e jë la Roma 15:5.] Kola ithanatane hnene la zonale celë la itre xaa aqane hamëne Akötresie la ixatua matre troa akeukawane la hni ne la itre atr ka latresi.”

Réveillez-vous! Mei

“Kola madrine hnene la itre xaa atr la itre aqane mele ka lolo, nge itre xan, itre milio la etrun a mele hnine la mecijiin nge puafala la mele i angatr. Tune kaa, tro kö a paatr elany lai itre ewekë ka ngazo cili? [Nue pi troa sa.] Drei la aqane goeëne i Akötresie la itre ka puafala. [E jë la Salamo 22:24.] Kola qeje pengöne hnene la zonale celë la mejiune ka catr hna hamën hnei Tusi Hmitrötr kowe la atr ka puafala.”